رواية عارضة الازياء (جميع الفصول كاملة) بقلم الكاتبة ايمي احمد
رواية عارضة الازياء (جميع الفصول كاملة) بقلم الكاتبة ايمي احمد
البنات كانت بتتهمس عليه بخجل
ونور كانت متابعه الموقف لحد ما وصل عندها
سيف:صباح الخير يا عروسه.
نور وقفت بغضب:
انت ايه اللي جابك هنا وازاي الأمن سماحلك بالدخول
سيف:هي في واحده بردو تقول ل خطبها كده
جيت اشوفك.. ونفطر مع بعض بره
نور:انا عندي شغل.. ومش هيخلص دلوقتي
سيف:ممكن اي حد يعمل شغلك مكانك.. مش هنتاخر.. انا محتاج اتكلم معاكي في الكلام اللي دار امبارح بينك وبين عمي.. ممكن
نور وافقت بعد تفكير:ماشي
سيف قدملها الورد:اتمنى يعجبك
نور خدت منه البوكيه:شكرا
سيف:يلا
مد ايده عشان يمسك اديها
نور بصتله ثوني بستنكار ورجعت بصت للبنات
نور: كل واحده ترجع تشوف شغلها.. وانا شويه وراجعه.. يلا العرض خلص
البنات رجعوا ل شغلهم تاني
وحطت نور بوكيه الورد على المكتب
ومشيت قدامه سيف بتجاهل
خرج سيف وراها
وعلى وشه ابتسامه جانبيه
وصلوا للعربيه وفتح ليها سيف الباب قدام جانبه
يصتله نور وفتحت باب العربيه الخلفي وركبت
سيف بضيق :
.. هو حد قالك ان انا السواق الخاص بتاع معاليكي
نور بتعالي: سوري بس انا مش هركب جنب واحد غريب
وكويس اصلا اني قبلت اخرج معاك لوحدنا
ذاد غضب سيف واتحكم في نفسه بصعوبه
وركب العربيه وبداء يسوق:وانتي لما بتركبي مع معتز بتركبي في العربيه.. من وراه برده
نور: معتز حاجه تانيه
و بره اي مناقشه بيني وبينك.. وبعدين معتز مش غريب
سيف:لو هو ابن خالتك ومش غريب..
فا انا ابن عمك..وكمان شهر هبقي جوزك.. زي ما قررتي انتي
.. وتهميني اكتر منه.. وانا بغير.. مش هسمح ل مراتي تقرب من ابن خالتها.. وحتى لو هو حاجه تانيه.. فهماني
........
معتز دخل الشركه واستغرب العربيه العاليه اللي خرجت قدامه
معتز وقف عن البوابه وفتح شباك العربيه ونادي على الامن: ايمن!!
ايمن:نعم يا بشمهندس
معتز:عربية مين اللي لسه خارجه دلوقتي
ايمن:دي عربيه واحد اسمه سيف ابن عم الانسه نور يافندم
معتز بستنكار واعتلت ملامحه الغضب:
تمام.. شوف شغلك يا ايمن.. وماتسمحش لحد تاني يدخل الشركه من غير ماترجعلي
ايمن:تحت امرك يا بشمهندس
دخل معتز الشركه وركن العربيه ونزل منها بغضب وراح المشغل
معتز: نور!!
ماجده:بشمهندس معتز.. نورتنا.
نور لسه خارجه دلوقتي
معتز بص على مكتبها وشاف بوكيه الورد قرب منه ومسكه بقرف :خرجت لوحدها..
ماجده:لا يا بشمهندس مع شاب كده.. وهو اللي جابها الورد دا
معتز رمي الورد في أقرب باسكت بقرف:
لما توصل الهانم بلغيها اني عايزها
قاعدوا في المطعم
سيف:تحبي تاكلي ايه
نور:مش عايزه.. كنت عايز تتكلم معايا في ايه
سيف بتجاهل:انا بعشق المطعم دا.. واكلهم هنا ممتاز.. واحلا حاجه فيه انه ابن بوفيه
.. تعالي اختاري اللي عايزه
خلص كلامه ومشي قدمها وهي اللي مشيت وراه بغيظ
جاب طبقين وادها واحد
مشيوا جانب بعض وبداء يختار
( كرواسون وجبن مختلفه)
وكل حاجه ياخد منها بيحط زيها في طبق نور
ورجعوا مكانهم وطلب ليها عصير فراوله
من غير مايخد رائيها
وجاب لي شاي
سيف:عرفت انك بتحب العصير دا
وبداء يفطر وهو متجاهل نور خالص
ونور بتتفرج عليه. لحد مانتهي
نور:خلصت
سيف:اممممم الحمد لله
نور:نتكلم في المهم بقى.. عايزني في ايه
سيف ابتسم وخرج دفاتر شيكات من جيبه وقطع واحد ومده ل نور:امسكي
نور بستنكار:ايه دا
سيف بتهكم :مهرك
