رواية خشي يا عروسه اي مكسوفه ولا اي كاملة

هو بسخريه خشي يا عروسه اي مكسوفه ولا اي
دخلت بحزن والدموع في عيني انا عارفه اني داخله على ايام سوده بس انا راضيه باللي ربنا كاتبهولي
هو بجديه بصي بقا يا بت انتي انا مش هقولك انتي في اوضه وانا في اوضه لان خلاص انا اتدبست فيكي ف لازم اخد على الوضع ده واعيش الواقع احنا هننام في نفس الاوضه.. مع اني اخاڤ اقوم من النوم وانتي جمبي بمنظرك ده.. ده انا ممكن اقطع الخلف بسبب القرف اللي في وشك.. اولا انا مش هقربلك.. ثانيا انا مش عايزك تدخلي في حياتي ولا في اي حاجه تخصني فاهمه

هي بحزن فاهمه
انا اميره.. عارفين ده مين.. ده زين ابن عمي اكتر شخص حبيته في حياتي اول ما فتحت عيني على الدنيا شوفته هو اتربيت على ايده كان هو صديق طفولتي كان معايا خطوه بخطوه لحد اما كبرت فضل جمبي ومعايا وبيدعمني عشان احقق حلمي واتخرج من كلية اعلام وفعلا اتخرجت وكنت طايره من الفرحه وجوده قادر يغير مودي 180 درجه كل ايامي كانت حلوه وهو معايا لحد اما جيه يوم شقلب حياتي
فلااااش بااااگ
اميره بمرح اوعي الروايح القمر ياست الكل اي الجمال ده
هاله ام اميره 
هاله يا بكاشه ده انا بحمر البطاطس لسه
اميره احم اي الاحراج ده بس لولو
زين وهو بياكل الخيار احسن عشان تبطلي تطبلي
اميره يعني لو مطبلتش لامي هطبل لمين
زين طبليلي بدل ما انتي عماله تفتني عليا في كل حاجه
اميره يابني ما انا بفتن عليك عشان بتعمل مصايب ومبعرفش الم وراك ف بجيب اي حد غيري يلم وراك وخلاص بخدمك يعني
زين بسخريه لا وانتي خدومه اوي يابت
اميره بضحك سيد عيب متقولش كده احنا اهل
هاله ممكن تطلعوا ترغوا برا لاني صدعت وكمان الزيت هيقع عليا
اميره راحت وقفت جمب امها وقالت
اميره وهو انتي لازم تحركي الطاسه ما تقلبي بالمعلقه وخلاص
هاله انا مبعرفش اقلب بالمعلقه ولسه بترفع الطاسه من على الڼار الزيت طار منها ووقع على وش اميره
اميره بصړاخ ااااااااه وشييييي
هاله وزين بصدممه اميييرهه
فلااااش بااااگ
من يومها وزين اتقلب عليا وبعد عني كنا يوميا بننزل الصبح نتمشى سوا وكان بيقضي يومه كله عندنا مع انه قاعد في الشقه اللي في وشنا بس عشان ميسبناش لوحدنا.. من ساعة ما ابويا وابوه وامه ماټو واحنا ملناش حد غير زين وهو مالوش حد غيري انا وماما عشان كده ماما قررت تجوزني ليه بعد ما تعبت وجالها القلب
فلااااش بااااگ
هاله بتعب عايزه اتكلم معاك شويه يا زين يا ابني
زين اتفضلي يا مرات عمي
هاله طبعا يا ابني انت عارف ان احنا ملناش غيرك
زين عارف طبعا وانا بردو ماليش غيركوا.. بس هو في اي
هاله اميره من بعد الحاډثه وهي محدش بيتقدملها وكبرت يا ابني وبقا عندها 24 سنه الناس بقت تعايرها انها متجوزتش لحد دلوقتي وانا بصراحه نفسي افرح بيها وبيك
زين بعدم فهم بمعنى
هاله عايزاك تتجوزها يا زين يا ابني وترحمها وترحمني من كلام الناس
زين بصدممه ايه لا طبعا.. وبعدين انا مرتبط اصلا وكنت هروح اتقدم للبنت اللي بحبها بعد فتره
هاله بتعب يا ابني اسمعني ارجوك.. انا تعبت وخلاص وقتي بيخلص وممكن اموت في اي وقت والاعمار ب يد الله مش هنعترض.. تتجوزها فتره حتى ولو عايز تتجوز البنت اللي بتحبها عليا ف اميره مش هتمانع هي تتمنالك السعاده يا ابني ارجوك اتجوزها فتره بس خلينا نخلص من كلام الناس وانا ارتاح واطمن عليها قبل ما اموت
زين بحزن بعد الشړ عليكي متقوليش كده.. طب انا موافق بس هي سنه واحده وهنطلق بعدها
هاله بسعاده موافقه يا ابني
زين وهي اميره عارفه
هاله انا عرفتها يا ابني هي مكانتش موافقه بس بعدين وافقت وقالتلي انها مش هتعمل فرح
زين بجمود جدعه.. تمام يا مرات عمي اتفقنا هنكتب الكتاب الخميس الجاي
هاله تمام
فلااااش بااااگ
زين اي سرحتي ف اي
اميره وهي بتمسح دموعها هااا لا ولا حاجه
زين طيب انا هدخل انام عشان تعبان وانتي ابقي غيري وتعالي نامي في الاوضه
اميره تمام
خدت هدوم ودخلت الحمام اخد شاور.. ويعتبر كنت داخله الحمام عخاعيط مش اخد شاور قعدت على البانيو وانا بفتكر لحظاتنا واحنا صغيرين واضحك