رواية اختبار القدر جميع الفصول كاملة

_بقولك طلقنى يا قاسم انت اي يا اخى مش عندك دم 

هتفت بها زوجته وهى تنظر اليه بكل شر وغل بينما هو كان يقف امامها ببرود دون اى رده فعل

 ليهتف بجمود: عايزانى اطلقك علشان تتسرمحى طول الليل فى النيت كلاب مش كده يا هانم 

نظرت اليه بتحدى: ااه يا قاسم انا بكرهك يا اخى مش بحبك انت عايز منى اي جوزاتنا دى اصلا كلها غلط مينفعش نكمل فى الغلط اكتر من كده 

نظر اليها باستنكار: ولسه واخده بالك انها غلط واحنا معانا بنتين يا هانم عايزانى اطلقك واتعبهم 

صاحت به بغضب ساخر: على اساس مش بيتعبوا بصراخنا ومشاكلنا دى كل يوم انت مش شايف انك بقيت واقفلى على الواحده ومانع عنى كل حاجه 

هتف بسخريه: ااه علشان بجيبك كل يوم من الاماكن القذره الى بتروحيها وبناتى يشوفوا امهم القدوه بتاعتهم كل يوم تيجى سكرانه يبقا واقغلك على الواحده والفلوس الل بتاخديها كل يوم علشان عمليات التجميل وشعرك ولبسك يبقا كده مانع عليكى مش كده 

رفعت راسها بكبرياء: انت تعرف انت متحوز مين انا يمنى الرفاعى يا قاسم يعنى رجاله مصر كلها تتمنى نظره منى وبتحسدك عليا انت الى مغرور ومش شايف غير نفسك وبس

هتف بجمود وقسوه: انا عايز الناس تحسدنى على تربيه بناتى وهما احسن ناس مش يحسدونى علشان جسم مراتى حلو لي شايفانى مركب اريال علشان اسيب الرجاله تتغزل فيكى دايما جايبه ليا الكلام من نظام لبسك وحياتك 

تاففت بضيق: يووه كل حاجه البنات البنات يا اخى اقعد ربيهم انت طالما مش عاجبك تربيتى ليهم 

نظر لها من اعلاها الى اسفلها بتقذذ وهو يهتف ببرود: وياترى اقعد اربيهم وهجبلك فلوس تعملى البوتكس بتاع كل شهر فى وشك ازاى ولا البراندات بتاعتك ولا سفريه كل شهر مع اصحابك ولا تحبى نتطلق وتكتفى بمرتب ابوكى الى بيطلع من الشركه ووقتها ابقى غطى على مصاريفك دى كلها 

نظرت اليه بهدوؤ وكانها تجمع شتات نفسها من تلك الحرب الخاسره هى تعترف انها بدون امواله لن تكون يمنى الرفاعى من الأساس هى كانت تريد التخلص من تحكماته باى طريقه مهما كانت 

هتف بهدوؤ ساخر: خير يا مدام يمنى سمعينى صوتك الى كان مسمع الجيران من شويه

ابتلعت ريقها بهدوؤ واقتربت منه وهى تضع يدها على صدره بدلال وتستخدم نظرات الانثى الماكره لاشعال رغبته لتهتف بنعومه: انت صدقت يا قاسم دى لحظه شيطان يا حبيبى انت عارف انت والبنات كل حياتى 

ابتسم بداخله بسخريه والم فهو جاء على موضعها الحساس الأموال لكن هو وبناته بالنسبه لها عائله مترابطه امام الطبقه المخمليه 

ابعد يدها عنه بقوه وهو يبتعد عنها: خايف ابوظ جسمك يا يمنى هانم بقربك منى بنفذ كلامك اهو بعد اخر عمليه ليكى 

ليلتفت ويغادر من امامها لتهتف: قاسم ك... 

قاطعها بجمود: الفلوس هتتحول لحسابك بكره علشان الحفله الى عايزه تعمليها متقلقيش 

ابتسمت بسعاده وهى تمسك الهاتف بسرعه تتصل باحدى المصممين لتفصيل فستانها، زفر بضيق وخرج من الغرفه 

ليتجه الى غرفه بناته التؤام ليفتح الباب ليجدهم غارقين فى احلامهم الوردى ليقبل جبين كل واحده هما ملائكته فى عالمه القاسى "سلمى وسالى" التؤام المميز فى حياته تنهد بتعب: لو مكنتوش انتوا ووصيه جدكم على مامتكم كان زمانى انا وهى مش ببعض وعلى الاقل قلبى كان يبقى فيه نبض بس الله يسامحها قفلتنى عن الصنف كله....