رواية اختبار القدر جميع الفصول كاملة

رد سيف سريعا: يعمى دا كله تمثيل بس علشان تضايقنى لما اتجوزت شهد حبت تردهالى من غيرتها عليا حوريه لسه بتحبنى يعمى والله 

تنهد محمود بحيره: ماشى يبنى انا هحاول اكلم حوريه فى الموضوع دا ولو موافقتش انا مش هجبرها ومش هبوظ حياتها الى بتبنيها جديد 

ابتسم سيف بفرحه: ان شاء الله يعمى هتوافق انا متأكد.... 

خرجت من القصر سريعا بخطى متعثره ومازالت تلك المكالمه محفوره بذهنها عن تلك الممرضه التى اتصلت بها منذ قليل تخبرها بوجود رساله معها من اختها المتوفيه 

اوقفت سياره اجره واتجهت الى العنوان المطلوب بتوتر وتعثر كبير 

وصلت بعد قليل الى الكافيه لتتنهد وتقف بانتظارها حتى لمحت فتاه تقترب منها وهى تهتف بخفوت: حضرتك اخت شهد مش كده 

هزت حوريه راسها بسرعه: انتى سميه الممرضه صح 

لومأ لها الممرضه بالموافقه، لتهتف حوريه سريعا: اي الى معاكى من اختى وممكن تحكيلى الى حصل يومها 

تنهدت الممرضه وهى تجلس وتجلس امامها حوريه لتهتف بهدوؤ: واحده غيرى مكنتش المفروض تحكى يعنى علشان متسحبش فى مشاكل بس شوفتك لما جيتى المستشفى وشوفتى اختك وانهارتى قلبى وجعنى عليكى ولما عرفت اوصلك كانت امبارح وكلمتك على طول 

هتفت حوريه بسرعه: احكيلى اي الى حصل لأختى ولو كان فيه حد معاها يومها ولا لأ 

تنهدت الممرضه بخفوت: اختك كان جاى معاها واحد راجل بس انا مشوفتوش وشه لانه كان كل كلامه مع دكتور اسامه وانا دخلت العمليات مع اختك ووقتها ادتنى الجواب دا وزى ما تكون كانت حاسه ان نهايتها قربت علشان كده وصتنى اسلمه ليكى وفوقيه رقمك بس انا كنت خايفه لان دكتور اسامه وصانى مقولش لحد على الى حصل يومها باى طريقه ولما منظرك مرداش يروح من دماغى يوم وفاه اختك قررت اكلمك بس امانه عليكى متجيبى سيرتى لاى حد الله يكرمك دا اكل عيشى ليا ولاخواتى 

هتفت حوريه بدموع: طيب فين الجواب دا 

مدت لها الممرضه يدها بجواب لتلتقطه حوريه بدموع وارتعاش وهى تنظر الى الممرضه: متشكره ليكى جدا واوعدك انى مش هعرف حد بكلامك دا وكفايه بس جواب اختى ليا، بس عايزه طلب منك 

هزت الممرضه راسها بهدوؤ: عيونى اطلبى