بنتى المعاقه بقلم هويدا زغلول

اعملها العمل اتخانقت معايا وعايزة فلوسها اعمل انا ايه دلوقتي
سعفان
اديها فلوسها ياعايدة ولا انتي عايزة تنصبي على الوليه وبعدين ياشيخة حرام عليكي عايزة شاب زي الورد زي ده يتربط ويعيش من غير جواز ده حتى يبقا حرام عليكي والله
عايدة
سعفان متهزرش انت عارف شغلنا من امتى ياخويا وشغلنا فيه عواطف ولا انت السنيورة الجديدة اللي اتجوزتها هي اللي خلتك تشوف الحياة وردي

سعفان
ههههه انتي لسه بتغيري عليا يا دودوا ولا ايه جرا ايه ياوليه احنا دفنينو سوا عيب الكلام ده احنا بنمشي ورا القرش وبس مطرح مايروح بنروح وراه ولا ايه
عايدة
ايوه بنمشي ورا القرش ياسعفان بس برضو انا لما اعمل عمل لحد بكده متتدخلش انت وتعملي عليه اللي يفكة خليني اكل عيش زيك ياجدع
سعفان
ماشي ياعايدة خلاص من هنا ورايح مش هدخل على شغلك
عايدة
طيب هعمل ايه في اللي تنخفي من على وش الأرض البت هانم بنت نفيسه اللي انا واخده منها فلوس وحالفه انها ټفضحني في البلد كلها
سعفان
يعني انتي هبلة للدرجة دي ياعايدة هي برضو هتروح تقول للناس انا عملت عمل عند عايدة عشان اربط سلفي قام العمل جه بالغلط وسلفي اتجوز وهيخلف كمان دي كده هتبقا بتفضح نفسها هي
عايدة
ايوه صح عندك حق طيب اسكتها بايه بنت البرطوش دي عشان متفضلش تنط لي كل دقيقة والتانية
سعفان
ملكيش دعوة بيها سيبها لي وانا هتصرف معاها المهم بس لو جات لك هتعملي معاها زي ماهاقول لك دلوقتي بالظبط
عايدة
قول ياحبيبي يلي بتعلم منك قول
وبعدها رجعت عايدة بيتها او المكان اللي فيه بيتها وشغلها ودخلت بنتها كانت نايمة وقالت لها
قومي فزي يابت قومي ادخلي جوه اتخمدي كتك القرف في شكلك ابوكي مش عايزك يبقا اللي هشيل حملك لوحدك امتى بقا ربنا يخلصني منك
ردت عليها بنتها اسمها نور وقالت لها
عايدة وحشة اش تحبني ربنا اش يحب عايدة ربنا اغضب على عايدة
عايدة
اكتمي يابت بدال ما اقوم اجيبك من شعرك وغوري من قدامي يلا
نور
نور تفضل وربنا يحب نور وعايدة مۏت وربنا يدخلها الڼار عشان عايدة وحشة مؤذي بتخلي الناس مۏت
عايدة
انتي جبتي الكلام ده منين يابت انطقي انتي بتعرفي الحاجات دي ازاي انطقي يابت لاااا انا لازم استفاد منك عشان انتي هتنفعيني اوي يانور الايام اللي جايه دي
ومشيت نور وسبتها لوحدها وفضلت عايدة قاعده بترسم حاجات وتعمل أشكال غريبة عشان تعمل عمل
وعدت الايام وبقت عايدة تستغل نور بنتها في انها تقول للناس اللي هيشفي واللي هيتجوز لحد لما الناس عملت نور شيخة وبيروح ياخدو بركاتها وفي يوم راحت هانم لعايدة وقالت لها
انتي برضك مش عايزة ترجعي لي فلوسي اللي لهفتيها مني يانصابه انتي
عايدة ردت عليها ببرود وقالت
أعلى ما في خيلك اركبية يابت نفيسه جرا ايه يابت هو انتي مش خاېفه لأخلي الأسياد يغضبو منك ولا ايه مش ناوية تتلمي بقا
هانم
لا ياعايدة مش هتلم واللي عندك اعمليه لاني مش همشي من هنا من غير فلوسي وانا ياختي مبخافش لا من اسياد ولا عفاريت والشويتين بتوعك دول ميدخلوش عليا ياوليه قال اسياد قال واديني قاعده اهوه قولتي ايه بقا
عايدة
يبقا انتي اللي جبتيه لروحك ياهانم يابنت نفيسه
اااوووو محدش يقرب لها سيبوها لي انا هتصرف معاها معلش متاخذوهاش دي متقصدش تزعلكم دي هبلة ارحموها بتقول ايه هتخليها تلف حوالين نفسها لالا بلاش دي عبيطة لا انت زعلت
وفجأة هانم بقت تسمع جنب ودنها همس وكلام مش مفهوم وحد بينادي عليها وفضلت تتلفت حوالين نفسها وتقول
ب ب بسم