بس انا دكتور كبير وحبيبه طالبه في كليه حقوق بس !

"عدي سنتين واتخرجت واشتغلت مش هقول لقيت شغل بسرعه ووصلت بسرعه بس الموضوع كان مرهق لحد ما بقي ليا اسم أشهر محاميه في البلد زي ما كنت بحلم بجوار دواويني وروايتي..محمد خطب البنت اللي كان بيحبها وكنت فرحانه عشانه جدا..أسر معرفتش حاجه عنه أو مهتمتش بكده عادي مبقاش فارق معايا لحد في يوم لقيت محمد وعمو دخلوا عندي المكتب

_حبيبه عايزينك في حاجه ضروري ممكن

_في اي يا محمد قلقتني

_احنا روحنا ل محامين كتير وقالوا إنهم مش هيعرفوا فجينا ليكي

_اهدوا بس وفهموني في اي

_اسر اخويا اتقبض عليه

_اي لي

_فيه حد بلغ عنه أنه بيعمل عمليه مشبوهه ومش عارفين نثبت برائته

_ان شاء الله كل حاجه هتتحل سلمولي بس ملف القضيه وخلاص وإن شاء الله هيطلع

_حبيبه انا عارف معامله أسر ليكي يبنتي و

_لا عادي يا عمو أسر زي اخويا وهو وقف جنبنا كتير ومهما يكن مش هينفع اسيبه متقلقش يا عمي

_ربنا يباركلك يا بنتي

"مشيوا وانا بدأت أقرأ في القضيه وافكر رغم كل حاجه هو وقف مع ماما وكان بيساعدها،فكرت ومسكت القضيه واترفعت عنه وبعد أبحاث أثبت أن خطيبته أو اللي كانت خطيبته هي اللي عملت فيه كده عشان تاخد فلوسوا وتتجوز اللي بتحبه ما هي مش بتحبه هي بتحب فلوسو بس،قبضوا عليها وطلعوا براءه بعد ما القضيه اتقفلت كنت طالعه بس سمعت صوته وهو بينادي عليا بعد ما طلع

_نعم يا دكتور

قرب مني بحزن وابتسم واهلوا كانوا واقفين _حبيبه انا كنت عايز اشكرك رغم رخمتي ورزلتي عليكي.بس انتي اللي انقذتيني شكرا ليكي

_مفيش شكر يا دكتور انا عملت كده عشان عمو ومحمد مش اكتر

_حبيبه انا اسف بس كنت

قلعت نضارتي وبصتله بتركيز_نعم كنت اي

بس في عيوني _انا بحبك تتجوزيني

ضحكت بسخريه _اسفه طلبك مرفوض انا لما اتجوز هتجوز واحد يكون عنده تفكير كبير وعقل اكبر وناضج مش مهم عندي كليته اي المهم عندي بيفكر ازاي وازاي عارف قيمتي بعد اذنك يا دكتور

"مشيت ومبصيتش حتي ورايا دخلت البيت ونمت علي السرير وانا فرحانه بنفسي اوي ورجعت كرامتي تاني،نمت وانا بحلم بفارس الاحلام اللي يخطفني من حبه ليا والفستان الابيض..نمت وانا بحلم بأحلامي الورديه.

"انتمي إليك بكل تفاصيلي وارغب في الحصول على جزء من قلبك