رواية انتقام مشروع جميع الفصول كاملة

قومت مفزوعه "ايه زين برا هو جه امتى" 

زين دا اقرب او كان اقرب حد ليا بس للأسف بعد عني بدون سبب وللأسف كنت بحبه بس خزوقن'ي وسافر ابن الحلوه.

قومت لبست واتشيكت واستعديت اني اخرج مش عارف رد فعله هيكون ازاي بس خرجت وانا متوتره 

ام همس شاورتلها انه في البلكونه 

همس وهي داخله"احم احم " 

زين بهدوء"ادخلي يا همس ادخلي" 

همس مدت ايدها وسملت عليه وبعدها مقدرتش تشيل عينها من عليه خصوصا انه اتغير كل حاجه اتغيرت فيه، بعد فتره من السكوت آخيرا اتكلم 

زين بهدوء "حبيتي غيري يا همس، مقدرتيش تستني وانتِ عارفه اني سافرت عشان اشتغل عشان مستقبلي بعد كدا" 

همس بكسوف منه"خلاص اللي حصل حصل يا زين " 

زين بعصبيه"لا مفيش اللي حصل حصل فيه انك روحتي حبيتي غيري مع اني سافرت وروحت وجيت وشوفت اللي احل منك بس فضلت احبك مشلتكش من قلبي مع انك بسهوله جبتي مكاني" 

همس بدموع وعصبيه"مين قال اني حبيته انا اتخطبت ليه عشان استنيتك والبعد طال قولت خلاص بقا عندي عشرين سنه اكيد هيجي مجتش طيب اتنين وعشرين وبرضو مجتش وصلت تلاته وعشرين سنه وانا متخطبتش عشان البيه رايح يكون نفسه" 

زين بعد ما استوعب انه فعلا الغلط منه هو حتى مكلمش اهلها وقالهم مع انه بيحبها بس استنى لما يكون شخص يليق بيها 

زين كان هياخدها في حضنه بس خالته وامه دخلوا 

ام همس"حيلك حيلك تحضن مين يا خويا البنت كبرت" 

زين وهو بيبص عليها من فوق وتحت"من حيث انها كبرت فهي كبرت وكبرت اوي كمان" 

همس وشها احمر وقالت في نفسها"والله خالتي ما عرفت تربي" 

ام زين"خلاص بقا العيال لبعض ومعروفه زغرطي يا ام همس" 

بعد شهرين من الاحداث كنا بنرقص انا وهو في فرحنا، واللي متعرفهوش انه هوواللي اكتشفت خيا'نه عمر لانه جه بس مرضيش يجي عندنا بعد ما عرف اني اتخطبت 

زين بحب"همس تعرفي" 

همس "ايه" 

"سمعت انهم بيقولوا اكتشفوا قمر تاني على الكوكب وبيدوروا عليه"

همس بإستغراب"نعم ازاي يعني" 

زين بحب"ميعرفوش إني سرقت'ه" 

همس عرفت مغزى كلامها واتكسفت وبعدين همست في ودانه وقالت 

"وما كُنْتُ ممَّن يدْخُلُ العِشْقُ قَلْبَهُ..

 ولكِنْ مَنْ يُبْصِرُ جُفونَكِ يَعْشَقِ.." 

زين حضنها وبدأ يغني مع الاغنيه♡ 

تمت♡