رواية خادمة قلبي جميع الاجزاء كاملة بقلم زهرة عصام
المحتويات
يا زوما هسيبك أنا بقي و همشي أنا قولت أجي أطمن عليك بعد ما فتحتلك دماغك إمبارح
حازم حط ايده على الچرح و قال بتسبيل
فداكي أي حاجة لو عاوزة تخاوي الچرح كمان أنا راضي
مسك الخشبة اللي حدفتها عليه و إدهالها و قال
يلا أنا جاهز تسبيلي علامة مميزة في وشي تاني يا رورو
رهف ضحكت جامد و قالت بسخرية
عجبت لك يا زمن رورو دلوقتي بقيت رورو دا من كام ساعة كنت جعفر
اتاري النضافة حلوة يا ولاد وانا معرفش
حازم بجدية
بصي يا رورو خلينا ننسي اللي فات و نرجع حبايب زي زمان
رهف عقدت حواجبها و قالت
بس إحنا عمرنا ما كنا حبايب يا حازم دا إنت طلعت عين اللي جابوني مشكلتي معاك إني مكنتش بعرف أخد حقي منك بالك إنت لو في الحارة كنت طلعت عين اللي جابوك زي إبن اعتماد كدا
حازم فكر لحظة و قال جواه
طب إية رأيك ناخد هدنة و نبقي صحاب
رهف قامت وقفت و لبست النظارة الشمسية بتاعتها و قالت
أفكر يا زوما سلام مؤقت أكيد هنتقابل تاني
جت تمشي فحازم قال
اية دا إنتي مش هترجعي الشغل وإلا اية
رهق بتشفي
تؤ مقدرش أأمن على نفسي مع واحد فلاتي و بصباص و بتاع زيك كدا
ابقي سلملي علي
و ضحكت بصوت عالي و خرجت و هي بتلبس النظارة تاني و بتقول بصوت واطي
نقصاها أنا أم النظارة دي كمان كل شوية أقلع و ألبس فيها لحد ما فرهدت يلا هروح أسلم على عمو بتاع القصب
..
ملك دخلت الشركة بثقة و قعدت تنتظر دورها لحد ما جه و دخلت بثقة
السي في بتاعك لو سمحتي
ملك قدمت السي في و المدير أول ما عينه وقعت عليها تنح و بعدين اتحمحم و قال
ملك بثقة
اشتغلت بس عن طريق النت يعني وأنا في البيت غير كدا لا
المدير باصص في السي في و بيهز رأسه و بيقول
مش عارف لية حاسس إني سمعت اسمك قبل كدا
ملك بثقة
معتقدش يا فندم لأن زي ما ذكرت لحضرتك إني مشتغلتش في شريكان قبل كدا
المدرير هز رأسه و قالت
شايفة اية اللى ناقص شركتنا من بعد يعني من قبل ما تتوغلي في الشغل
شايفه إن حضرت محتاج مترجمين و مهندسين متمكنين و مش شرط الخبره نهائي كدا هتوفر مرتبات و هتاخد مجهود زيادة
الشباب الخرجين دلوقتي مش لاقيين شغل و قاعدين على القهاوي طب لية و حضرتك ممكن تشغلهم و هيبقي مرتب تلاتة منهم بمرتب واحد من مهندسين أجانب مع إن لو بصينا للموضوع هنلاقي إن إحنا نقدر ننتج زيهم بالظبط بالعكس هيبقي أعلي كفاءة المشكلة الوحيدة اللي هتقابلك هي الخبرة و دي ممكن يكتسبها معاك كدا لو كل الشركات وفرت فرص عمل للخريجين المصريين حتي لو بمرتب قليل في الأول و إنك تحمسهم إن اللي هيطور من نفسة هياخد زيادة في الراتب هيدوك تفكيرهم و طاقتهم
إنتي خريجه كلية الآداب قسم اللغة التركية و واخدة كورسات كتير فيها يعني متمكنة منها
ملك بثقة دا غير الإنجلش يا فندم و الايطالي لأني بحبه
المدير بإعجاب اكتر
واحدة زيك بتفكيرك و الشهادات اللي وخدها دي مشتغلتش قبل كدا لية
ملك إبتسمت و قالت ببرود
نصيب يا فندم
المدير هز رأسه و قال
تمام حضرتك معانا تقدري تبدئي شغل من بكرة
ملك بصت لية و قالت
لا بكرة لا سبوع ابن أختي تقدر حضرتك تشرفنا و العنوان أهو
المدير هز رأسه بمجاملة و ملك خرجت من المكتب و قالت
بوم تك بوم تك بدأت اللعبة و الشاطر اللي يسلم في الآخر يا مالك
تاني يوم في الأسبوع الكل متجمع و رهف شايلة مالك الصغير فحازم قرب منها و قال
عبال ما تشيلي ابننا
رهف لسة هترد عليه لقوا مالك داخل و معاه روزيتا فرهف فتحت بوقها و قالت
بذات نفسيه عندنا
يتبع
زهره عصام
متابعة القراءة
