رواية امتلكني كبير الصعيد جميع الفصول كاملة
ليليان نايمه علي السرير حست بابراهيم بينام جنبها ابتسمت بسخريه... ليليان قامت
ليليان: ابراهيم هو انا وحشه؟
ابراهيم عدل في قعدته
: ليه بتقولي الكلام دا ؟
ليليان بدموع: يعنى احنا بقالنا اكتر من شهرين متجوزين وانت.. يعنى
ابراهيم حط ايده علي خدها يمسح دموعه بحنيه
: انتي زي القمر يا ليليان الغلط عندي انا
ليليان بدموع: طاب انا ذنبي ان.. انا نفسي في عيال قبل ما العمر يجري بينا
ابراهيم اخدها في حضن*ه
: هنجيب ان شاءلله هنجيب كتير مش واحد هنجيب كتير
ليليان بدموع: امتا طيب
ابراهيم ضحك وفجاءة عدل ليليان وبقي فوقيها وغمزلها: نخليها دلوقتي يا قمر... بعد وقت ابراهيم نايم علي السرير وليليان في حض*نه
ليليان: ابراهيم!
ابراهيم: اممم
ليليان: كان في حد في حياتك قبل كدا
ابراهيم اتنهد:كان بس هي شافت حياتها دلوقتي.... وانا شفت حياتي وتبسط بيها معاكي وهعتبرك نصيبي من الدنيا..
ليليان اتعدلت: طاب اسمها ايه؟
ابراهيم شدها عليه: دا كان ماضي خلينا في دلوقتي احسن
رويدا طلعت من الحمام لافه فو*طه حولين جس"مها
يونس كان قاعد قدام التلفزيون وبيقلب بملل.. يونس اتعدل في قعدته بانبهار لما شاف رويدا
يونس اتنهد: رويدا تعالي.. رويدا قربت وقعد جنبه.
رويدا ببراءة: في حاجه
يونس زاح شعرها وهو بيحر*ك ايد*ه علي كتفها
: وحشتيني اووي في الكام يوم اللي بعتهم عن البيت.. يونس كان بيحاول يأثر عليها زي مانصحه سليم يكون هادي.. ميل با*سها علي كتفه
رويدا بتوهان: يـ.. ـونس
يونس: هششش
تاني يوم
الكل قاعد علي الفطار دياب وفيروز لسه نازلين ودياب قعد جنب حازم
حازم بهمس: سبع ولا ضبع
دياب بهمس: عيب عليك سبع بس عرفت منين
حازم ابتسم: مفيش حاجه تخفي علي حازم سليمان
حازم بص ليونس اللي قاعد يأكل بضيق ورويدا اللي قاعده جنبه بتبص في طبقها بتوتر.
حازم: ايه يا يونس يا حبيبي اخبارك ايه؟
يونس بضيق: بخير يا حج
حازم: مالك شايل طاجن ستك ليه زرعته بن وغرقت
يونس: لا يا حج مفيش حاجه
حازم: شكلها نصايح عمك سليم مجابتش نتيجه
يونس: لا جابت و
هنا رويد شنقت جااامد
يونس وبيحرك ايده علي ضهره
: هحيلك بعدين يا حج
هنا نزل رحيم بنشاط اخد ساندويتش سريع
: صباح الخير يا جماعه
مريم: رايح فين يا حبيبي اقعد افطر
رحيم بيأكل بسرعه: معلش يا ست الكل عندي مشوار مهم.. واه خدي بالك من شهد انا سبتها نايمه فوق
مريم: حاضر يا حبي
................
فاطمه نشفت ايده لما سمعت الباب وراحت تفتح
فاطمه: رحيم.. خير في حاجه ؟
رحيم: امم هو ماينفعش اجي لأختي زياره
فاطمه: لا اتفضل .
رحيم دخل وقعد: امال فين يوسف
فاطمه: مشي الصبح عنده شغل... تشرب حاجه
رحيم شدها من ايدها تقعد جنبه
: لا... تعالي
رحيم اتنهد وهو بيمسك اديها بين اديه وبحنيه
: يوسف قالي انك عايزه تسيبي البلد وتبعدي عننا رغم انه يقدر ينقل شغله هنا بكل بساطه
فاطمه بتوتر: لا عادي ليه ينقل ويعذب نفسه وكدا كدا كل حاجه هناك
رحيم اتنهد: فاطمه احنا بنحبك ولله... هو بابا طول عمره كدا مابيسألش علي حد ولا انتي ولا انا علي فكره انتي هتروحي تحكيله هيسمعك ويديكي نصيحه غير كدا هو مش هيسأل
فاطمه بدموع: وماما ؟؟
رحيم: اظن ماما كان كل مره بتسألك لو في حاجه انتي كنتي بتصديها وتبعديها لحد هي متعوده بس ولله مانقدر نعيش من غيرك وبابا لو عرف مش هسيبك ابدا ولا ماما وخصوصًا عمي حازم
فاطمه بدموع اكبر: بس انا عمري ماشفت الحب غير مع يوسف عمري ماشفت الحب منكم
رحيم اتنهد: علشان انتي كنتي واخد جنب
فاطمه بدموع: ب.. بس.. ان..
رحيم اخدها في حضنه وباس راسها
: بس بقا بلاش جنان ورجعلي لعقلك وانا هقول لبابا انك عايزه تسافري وهتشوفي رد فعله
فجاءة نط يوسف بينهم وهو بيحضن فاطمه بدل رحيم
: بعد اذنك يسطا ممنوع اللمس
رجع بص فاطمه وهو بيبوس راسها
: زعلك في حاجه الو*سخ دا
فاطمه ابتسمت وسط دموعها
: لا
رحيم: ياعم واحد واخته ايه الدخلك
دياب قاعد علي السرير بتكلم في الفون وفيروز لسه داخل الاوضه
دياب بضحك: جواز ايه بس اللي يخليني انساكي عامله ايه انتي بس يا قمر...
دياب بضحك: جواز ايه بس اللي يخليني انساكي. اخبارك ايه يا قمر.. دياب حس بدخول فيروز بصلها بطرف عينه وشاف تعبير وشها.. دياب فتح الاسبيكر ورمي التليفون علي السرير وهو بيبص لفيروز اللي واقفه عند الدولاب ووبتبص قدامه بعدم اهتمام
دياب: اممم معاكي يا قمر كنتي بتقولي اي
طلعت صوت بنت من التليفون
: كنت بقولك ابعتلك التصميم علي الواتس ولا مع ابراهيم لما يجي
دياب: طاب ايه رأيك تيجي وتشرفي علي العمال انتي وهما بيشتغلو
قمر: معلش والله يادياب بيه مش هقدر انت عارف محسن جوزي عنده ضغط في الشغل
دياب: ماشي تمام ولو احتاجتي حاجه انا موجود
قمر: ماشي سلام
دياب: سلام
فيروز كانت سامعه كل حاجه وبتمثل البرود فجاءة حست بدياب بيحضنها من ورا
دياب: مالك؟
فيروز: مين دي ؟
دياب زي ما هو: دماغك راحت فين...انا ممكن اكلم واحده غيرك... انتي عارفه ان الصعيد بيكتفي بواحده بس وانا مش فاضي للحوارت اللي زي دي انا مش فاضي ابص ورايا حتي... وبعدين انا عندي اللي ماليه عيني.. سكت شويه وكمل...وقلبي
فيروز اتعدلت ليه بدلال: انا عمري مشكيت فيك بس تقدر تقول غيرت شويه صغننين يعنى
دياب باس جبينها: غير براحتك يا وحش
................................
رحيم اتنهد: انا.. يعنى ك.. كنت خايف ل لا تنساني ولا ترفضني...غمض عنيه وكما بالم.... ا. او ممكن يكون في حد في حياتها قبلي بجد
زين بصله بهدوء: رحيم هي لو نسيتك هتحكيلك كل حاجه وافقت تبدأ معاك من اول وجديد تمام.. اما من ناحيه ترفضك انت مش ناقصك حاجة يا حبيبي
رحيم: ط.. طب لو في حد في حياتها
زين: معتقدش كان دور عليها
رحيم اطمن نوعا ما... ميل يبوس ايد ابوها: ربنا يخليك لينا يا حج
زين: رحيم انا جنبك علطول وامك واخواتك البنات ولاد عمك وعمامك كلنا جنبك بطل تشيل ف نفسك
رحيم ابتسم: ربنا يخليكم ليا
زين: هااا بقا ناوي تسافر امتا علشان العمليه
