رواية جنون الحب جميع الفصول كاملة بقلم يارا الكاتبة عبدالعزيز
على: هو انا بقولك كدا عشان تقولى شكرا انتى ازاى تثقى فى واحد زى دا لدرجة انك تروحيله بيته انتى ايه مخك مش موجود وقفتى عقلك وفكرتى بس بقلبك
هنا: كنت مفكره كويس كنت بشوفه بقلبى اللى محبش غيره انا بحب هيثم من ساعة ما كانا فى اولى ثانوى
بصلها بألم شديد حس ان قلبه بيتقـ'طع من كلامها هو ااه عارف انها بتحبه بس مكنش عايز يسمعها منها مكنش يعرف انها بتـ'وجع اوى كدا فضلوا ساكتين طول الطريق فى وسط بكاء هنا
حور بزعل: انا مش عارفه مرات عمى بقيت بتتعامل كدا ليه
فارس وهو ماسك ايديها وبيتكلم بحنية مفرطة
: هى بس مضايقة عشانى شوية كدا وهتسامحك انتى عارفه انها بتحبك وبتعزك زى ليلى
حور: كنت مفكرة كدا لكن هى طلعت بتكرهنى انا بجد زعلانة اوى هى عندى زى ماما
فارس بحب وهو يقبـ'ل رأسها: متزعليش والله كله هيتحل ماما عايزنى بس مبسوط وانا مبسوط ومرتاح معاكى ومش هرتاح مع حد تانى هى اول اما هتفهم دا مش هتزعل منك تانى
حور وهى بتتنهد بحزن: تمام
فارس: روقى بقى
حور: ما انا كويسة أهو فارس
فارس: قلبه
حور: هو انت كدا سامحتنى صح
فارس: هو انا اصلا كنت زعلت منك عشان اسامحك يا حورى
حور بزعل طفولى: ايوا كنت زعلان منى وكنت بتعاملنى وحش
فارس: خلينا ننسى اللى فات يا حور ونبدأ من جديد
حور بفرحة وهى بتشدد من مسكتها ليه: بجد يعنى خلاص كدا
فارس بحب: خلاص كدا وبعدين يا ست هانم ايه اللى قعدك انهاردة من المدرسة
حور: هسيبك وانت كدا مينفعش
فارس: وانا مالى يا حور انا تمام اهو من بكرة تروحى خلاص الامتحانات مفيش عليها كتير
حور: حاضر هقوم اجبلك تاكل بقى عشان العلاج
فارس: لا خليكى انا مش جعان خليكى جانبى متبعديش عنى يا حور
حور: انا هروح اجيبه واجاى على طول يحبيبى مش هتأخر
فارس بحب: قولتلك اقعدى متبعديش انتى وحشانى اوى
حور: وانت كمان صحيح هو انت هتعمل ايه مع ندى
فارس: مالها ندى
لا حول ولا قوة الا بالله العلي العظيم ♥️
حور بضيق: يعنى مرات عمى قالت انك هتتجوزها وهم حاطين دا فى دماغهم
فارس: يحطوا اللى يحطوه انا متجوز وبعشق مراتى مش هتجوز حد غيرها
حور بطفولة ورقة: بحبك اوى
فارس وهو يقبـ'ل ايديها بحب: وانا بعشقك يعمرى
علي بحنية وهو بيديها منديل: بطلى عياط خلاص الحمد لله انك كويسة اعتبرى انى مفيش حاجه حصلت
هنا وهى بتسمح دموعها بضهر ايديها
: شكرا ليك بجد شكرا جدا لولا وجودك انا كنت روحت فيها
علي: دا واجبى يا هنا
هنا بتلقائية: انت كويس اوى ربنا يسعدك ويبعتلك بنوتة كويسة شبهك على اد ما ساعدتنى انهاردة
علي بأببتسامة: خلاص يا هنا انتى هتشحتى ولا ايه يلا انزلى مش دا بيتك
هنا: اه هو هو هو ممكن يعنى اللى حصل دا متقولش لحد عليه
علي: من غير ما تقولى يا ريت انتى اللى تقفلى موضوع هيثم دا بقى
هنا بغضب طفولى: انا بكره ومش عايزة اعرفه تانى وهو يستاهل كل حاجه بتحصل معاه
علي ابتسم على طفولتها بحب كبير
: اختارى المكان اللى انتى عايزاه انتى وحور عشان درس الكميا انا هديكوا انتوا الاتنين مع بعض
هنا بفرحة: بجد حور هتفرح اوى شكرا لحضرتك انا هبلغها وهنبقى نخلى مستر فارس يكلمك
علي: باذن الله
هنا وهى بتنزل: عن اذنك
