قصة القلوب الضعيفة كاملة بقلم تقى بدر
_ ملك يعنى أحنا يوم مانفكر فالارتباط هنفكر فجوز صاحبتنا!
_ ياجبيبى انا واثقه فيكِ وعارفاكِ، بس أنا ماعرفش هو بيفكر فيكو أزاى؟ مش هقدر أستحمل أننا فيوم نبقى متخانقين والاقيه بيرفع تليفونه يشتكى لواحده صاحبته منى، حتى لو كانت أنتى.. انا فالأول كنت مستحمله عشان بحبه دلوقت انا فعلا مش حاسه أنى هعرف إبص فوشه تانى.
_ بس..
_ رؤى هكلمك تانى عُمر رجع..
_ سلميلى عليه.
_ أيه ياعم بتجيب القوه من الهِند ولا أيه؟
_الناس خنيقه تحت، زحمه بطريقه بأفوره، تقوليش مصر كلها بتجيب قهوه من ام الكافتريا.
أخدتها منه_ رؤى بتسلم عليك.
_ الله يسلمها.
فضلنا ساكتين مستنين حد يسمحلنا نقابل المُدير، كان مركز فبوكيه ورد قدامه محطوط فى فازا فطرقة المستشفى وأنا مركزه عليه أنت ممكن تكون متجوز؟ ممكن حُبك دا كله يكون لوحده تانيه؟ هيجى اليوم إللى أصحى فيه وماتبقاش موجود فالبيت؟ كل دا هينتهى؟ مش هتحكيلى حكايات أحنا أبطالها وأكون اول مره أسمعها زى كل يوم؟!
أنا حاسه إنى بقيت أحبك، أنت مش فاهم بس أنا مابحبكش أنا بس محتاجاك فحياتى عايزه حد يطبطب عليا ويعاملنى زى بسكوته نواعم زى ما أنت بتقول دايما، بص هو انا مابحبكش بس انا حاسه أنى غيرانة عليك من ملك التانية يارب ماتكونش موجودةانا متلغبطة بس عايزه أحضنك عايزه أسمع منك فتره وهتعدى عايزاك تطمني.
عايزه أغمض عينى وأفتحها ألاقينى كنت فكابوس وصحيت منه، ألاقيك جمبى بتصحينى عشان ننزل شغلنا وعلى ماألبس تكون غيرت لحياة ويَكن عشان ناخدهم فطريقنا للمدرسه..
فوقت من سرحانى لما لاقيتة واقف قدامى مُبتسم وبيحط ورده فشعرى_ عايز أعمل كدا من ساعه مادخلت بصراحه.
_ شكلها حِلو؟
_ شكلها...
قاطعته السكرتيره وهى بتسمحلنا بالدخول ياشيخه ربنا يسامحك كان لسا هيتغزل فجمالى..
كنت متوتره بقدم رِجل وأخر التانيه، أنا مش قد إللى هسمعه دلوقت _ لو مش عايزه تدخلى يلا نروح.
_ بص هو شَر ولابُد منه، خليك ماسك أيدى بس.. وأرجوك مهما سمعت جوه ماتحكمش عليا غير لما احكيلك..
حاوط كتفى بأيده ومشى بيا لجوه، دخلنا سلمنا على الدكتور وقعدنا انا شايفه فعينه نظره شماتة إبن القرعه دا، والله حساه بيقولى ماهو طِلع جوزك أهو أمال كنتِ بتكدبى ليه؟
بدأت كلام_ دكتور أنا عرفتك قبل كدا أنى ماليش دعوه بحاجه صح؟
أبتدى يكرر كلامى _ أيوه وأنك مش مراته وماتعرفهوش وحسب يالله ونعم الوكيل فينا عشان أحنا ظلمه، جايه تعتزرى؟
كان هاين عليا أضربه بالطفايه إللى قدامى دى والله، بلغت ريقى وبصيت لعُمر بتوتر رجعت كملت كلام_ لاء، أنا لسا عند موقفى، ومش جايه أناهد مع حضرتك أنا كل إللى عاوزه أعرفه شويه معلومات.
_ أتفضلى
_ تشخيص عُمر أيه بالظبط؟
_ الفتره إللى غاب فيها عن الوعى لايُستهان بها، أثرت على ذاكرته وسببتله فُقدان مؤقتٌ.
رجعت بصيت لعُمر تانى، وشة كان بيحمر وبيضغط على أيده، هو انا قولت أنك طيب؟ _ مين إللى جابه المستشفى؟.
_ فاعل خير، شخص بيقول أنو لاقاه سايح فدمه على الطريق.
_ وبعدين؟
_ جابة هنا، حكالنا أنه فالأول كان خايف ظننًا منه أن ميت وسابه وكان لسا هيمشى بس سمعه بيستنجد بيه، وكل إللى قاله قبل مايفقد الوعى بدقايق أسمه، وعنوانه.
_ يعنى كان معاكم عنوانه.
_ مظبوط.
_ ماوصلتوش لحد من أهله ليه؟
_ دى بقى مش شغلتنا، أحنا مش هنسيب إللى ورانا واللى قدامنا ونقعد ندور على الناس.
_ أنا عايزه العنوان.
_ يااه.
رديت بخضه_ أيه؟
_ الكلام دا من سنتين، الدفاتر دلوقت فالارشيف، لو محتاجينه ضرورى تقدرو تنزلو عند عم محروس.
_نوصله ازاى؟
_تانى دور تالت أوضه الطرقه إللى على اليمين.
كان لازم أفهمه كل حاجه قبل ماأنزل الارشيف عشان والله حاسه أن عايز يبلعنى، بصيتله بحذر _ مُمكن تتكلم؟
