روايه جديده ومشوقة جدا

...
نيران واقفه فى المطبخ بتحضر شندوتشات كتير مشوا كل الخدم اللى فى القصر وبقوا يعملوا كل امورهم بنفسهم .. تخلص وتخرجلهم فى الجنينه الرئيسيه .. تبصلهم بحب .. فاروق وقاسم قاعدين بيلعبوا طاوله على جنب فى الجنينه .. وناهد وانتصار بيشربوا شاى وبيتكلموا وضحكتهم عاليه .. ادهم ونديم وامجد فى البسين وحواليهم العيال فى منهم اللى بيعوم واللى لسه بيعلموه .. وراها تيجى نسمه معاها طبق حلويات كبير وجنبها جويريه معاها صنيه فيها عصير 
نسمه بضحك ايه مالك اتسمرتى كده 
جويريه تبتسم انجزى وحياه امك جعانين 

يقربوا ويحطوا العصير والاكل وكل اللى فى البيسين يطلعوا ويخطفوا السندوتشات .. تقف على جنب وتنزل دمعتها وتبص للسما 
نيران بصوت اقرب للھمس
شكرا انك كنت معايا ومسبتنيش وقوتنى يارب .. شكرا انك كنت خير معين ليا وھونت عليا مراره السنين اللى فاتت واستجبتلى .. الف حمد ليك يا كريم 
تمسح الدموع من عينها وتتفاجئ بادهم اللى من ضهرها وبيقرب الساندوتش بتاعه من بقها 
ادهم الحلو واقف لوحده ليه 
نيران وهى بتقطم من السندوتش مستني الحلو بتاعه يهتم ويجى كده 
يضحك ولسه يلاقى اللى بيشده من رجله وحاطط ايده فى جنبه 
يوسف بصوت طفولى ڠاضب ابعد عن مامى 
نيران تضحك وتشيله وادهم يقرب 
ادهم طپ ممكن اقرب منك انت ولا هتعارض 
يوسف يضحك ويشد ادهم عليهم بايده الصغيره .. الاتنين دماغهم 
تمت بقلم فاطمة عيد