وتين الجزئين

كان وجودي في الفيلا دى عشان خاطر اكثر مناخير بنتك المغروره... والفضل كله يرجعلك طبعا... انتى اللى سهلتى عليا محاولات كتير كنت هعملها....
كانت ابرار تسمعها وهى لا تصدق أذنيها هذه هى زوجه ابنها التى رحبت بها في فيلاتها ونصرتها علي ابنتها ..
فاقت من شرودها علي صوت سالى وهى تضحك بسخريه .
دا كله بقى غير صډمتى في جوزى راكان منكرش اني كنت متخيله انه راجل بس للأسف طلع مش قادر يحميني يبقى ملوش كلمه عليا.
صدمت أبرار مما سمعته القتها صفعه قويه بظهر كفها علي وجهها... أدت الى ڼزيف انفها... وامسكت حقيبتها والقطها بعيدا.. واقتربت منها وأمسكتها من زراعها ودفعتها داخل الغرفه وهتفت بعصبية وأنفعال
انتى واحده مش محترمه ولا تستاهلى ضافر ابنى واكبر غلطه غلطه انى انا دخلتك بيتى .
كانت سالى ټقاومها بشده وتلفظت ببعض الألفاظ الغير لائقة 
وقبل أن تغلق أبرار باب الغرفة وضعت سالى قدميها لكى تعوقها وهتفت.
انتى فاكره نفسك أيه انتى عشان تحبسينى... هو أنا كلبه انا جيت البيت دا عشان اكسر منخير بنتك واحط كرامتها في الأرض
دفعتها أبرار مره اخرى وأشارت لها باحتقار... معدش اللى

انتى اللى تجيب مناخير بنتى أنا الأرض... معدش غير امثالك اللى بتتجوز جواز متعه عشان شاب حلو وغنى وعضلات...
اللى تقارن نفسها ببنتى لازم تبقى زيها وانتى اللى زيك الكلاب أنضف منها... علي الأقل الكلاب بتصون العشره وبتبقى وفيه لصحابها ... مش واحده خسيسة أول ما جوزها يتعب تتخلى عنه وتهرب
انشالله كانت ايدى انقطعت قبل ما اكلمك وأدخلك بيتى يا بجحه .
وأكملت وهى تشير الى باب الغرفه انتى تترزعي هنا لحد ما جوزك يخف.. ويقوم بالسلامه ويعرف باللى عملتيه... وساعتها ابقى قد قوليله الكلمتين البايخين اللى قولتيهم ليا وأغلقت الباب خلفها.
هتفت سالى وهى تطرق الباب من داخل الغرفه انتم ايه مفكرين نفسكم ايه انا هوديكم في مصېبه افتحى .
هتفت ابرار كده فعلا اسبتى انك عديمه الأصل ... وأكملت بسخريه واحنا اللى هنروح في مصېبه ليه هاااا ...
بس عندك حق لما خسيس ياخد حق مش حقه ... بتبقى دى النتيجه وبعدين انتى اللى طلعتى اكبر مصېبه يوم مدخلتك بيتى..
بس ملحوقة دانا هربكى واعرفك ان اللى يقرب من ولادى ... احسب ربنا ما خلقه.... ومش عايزه اسمع صوتك عشان راكان يعرف يرتاح.. والا بشرفى هعرف اسكتك بطريقتى .. فهمتى انتى لسه متعرفنيش .
ذهبت الى احمد تنفذ ما خططت له .
غرفه راكان
كان نائما مسطح على الفراش لا يشعر بما حوله
تزداد حراره جسده ويهذى بأسمها... كان كل ما هزا بأسمها بضعف أنهمرت دموعها ...
جلست أمامه تبكي عليه ووضعت يدها علي جبهته وجدت حراره جسده عاليه.
استقامت واقفه بلهفه ذهبت الى غرفه الحمام الملحقه بغرفته وجاءت بقدر من الماء البارد لعمل له الكمادات البارده لخفض حراره جسده ..
وجلست وراءه وأسندت رأسه على صدرها وأعطته الأدوية وشرعت له في عمل الكمادات البارده .
وبعدما نام في سبات عميق كانت تمرر يدها على وجهه و بين خصلات شعره الكثيف وتحدثه 
انت بعد ما قلبي قسى عليك وقلت خلاص لازم أحاول أعيش من غير أمان ... مستحملتش خصامك ليا
وجتلك المكتب عشان أقولك أنا هسيب الشغل في المجموعة بعد خناقتي مع يونس والكلام البايخ اللى قالهولى..
سمعتك وانت بتكلم الدكتور وبيقولك لازم تروح المستشفى عشان تعمل ماسحه..
حسيت ان قلبي هيتشال من مكانه رجعت مكتبى بعد تفكير بلغت مدير الأمن يفضل وراك ويبلغنى بتحركاتك ..
تفتكر انا اقدر اعيش من غيرك... بس عارف انا مش خاېفه على نفسي... عشان لو مۏت هبقى سعيده انك رضيت عليا ومش زعلانه مني...
شرعت ټنهار في البكاء اكثر واكثر واسندت رأسها على صدره تبكي بحرقه وتحدثه ارجوك يا ابيه قوم عشان خاطرى مش مستحمله تعبك .
شعرت بذراعين قويتين تلتف حولها اراد ان يخبئها من العالم بأثره وهتف بضعف بسبب مرضه
اوعدك إيه بس دا أنتى بنت عمري واختي وكل دنيتي..
وأبتلع ريقة

بصعوبه وآلم اوعديني 
انك تخرجي بره الاوضه دي عشان ما تتعديش منى روحي المستشفى أعملى ماسحه و تاخذي كل الأحتياطات اللازمه عشان سلامتك ارجوكى يا وتين.
ابتعدت عنه مستحيل ابعد عنك اصلا ... الا لما تخف نهائي
وبعدين أنا وانت هنا عزل لحد ما تبقى كويس ... وانا بعت تعليمات للشغالين الاكل يحطوه بره الاوضه وانا هخرج اخذه يا ابيه....
انت لحقت تزهق مني..... ولا علشان انا جبت مراتك الصفراء ام بهلول دى من شعرها ورمتها بره اوضتك وبعدين دى طويله ومافيهاش أنوثه خالص....
ايه رأيك مش انا احلا منها وظلت تدور حول نفسها بذمتك انا ولا هيا... 
ثبت نظره عليها طبعا انتي يا قلب أخوكى واشاره اليها ان تاتي إليه.
أقدمت اليه وجلست بجواره وأمسكت يده وقبلتها حبيبي يا أخويا وفر كلامك وبطل تتكلم... وأتفضل خدنى في حضنك لأن بكل الأحوال انا أكيد أخدت العدوه منك ومستحيل اسيبك
أبتسمت وتكورت في حضنه دثرها بالغطاء وقبلها من رأسها وأغمض عينه وذهب في ثبات عميق.
في صعيد مصر.
في مزارع الموالح لكبير كفر السيوفي
كانت تقف هي وبعض المهندسين الزراعين تنهرهم كيف لهم أن يتركه دوده تأكل المحصول بهذا الشكل وأشارت إلى مهندس المسؤول وهتفت
هو انا مش حظرتك من اللى حصل دا تعرف ان دى اول مره تحصل معايا وأنك انت السبب في الخساره دى المفروض انا اعمل معاك إيه.
هتف المهندس بحرج منها بعتذر اكيد عن اللى حصل واوعدك انى اعالج الموقف بسرعه ادينى يومين بس .
أقتربت منه قدامك ساعتين الجه الأقبليه هي اللى انصابت تتفضل تسيطر عليها وترش باقى الجنينه عشان تلحق العدوه قبل الانتشار.
صدح صوت ذكورى غليظ وهتف بجمله بالنسبالها مستفزه عاش يا وحش وعشان كده انا جايلك تشرفي علي زراعه أرضى.
أقتربت منه ونظرت له بسخريه ممكن اعرف مين انت ومين سمحلك تتكلم معايا بالأسلوب دا .
ضحك ونظر الى رجاله التى تقف خلفه انا خلف السباعى وانتى لازم تجى تشوفى المحصول بتاعى.
ردت عليه صفا انت شكلك مش عارفه انا اللى مين وهتفت ولا عارف انت واقف فين وشكلك بتلعب فى عداد عمرك وانا مش بشتغل عند حد وأتفضل من مكان ما جيت 
وأعطته ظهرها وخطتت عده خطوات ووقف عندما سمعت كلامه.
رد عليه انت هتجى تشوفي المزارع بتاعتى ورجلك فوق دماغك .
لفت له وتحدثت بسخرية وأشارت اليه بتكبر 
انا اللي دماغى فوق راسى ماشى انت شخص غبي مش عارف انت واقف فين ولا ارض مين بس بسيطه قليل الأدب نربيه 
واخرجت من جنبها سلاح مرخص واطلقت عده طلقات في الهواء تجمع حولها مجموعه من الغفراء وهتفت طلعه الحساله دى بره ولو شفتوهم اضربوهم بڼار يالا .
ومرت من جواره ووقف عكسه واقتربت من إذنه وهتفت
المره الجايه ړصاصه هتبقى في نص دماغك
يا شاطر يالا خد شويه العيال دى وروح العب بعيد يالا .
وتركته وغادرت المزرعه .
اخذ رجاله وذهب وهو يتوعد لها .
الحلقه التاسعه
وتين
سبحان الله وبحمده سبحان الله العظيم
اعلم أن إيمانك لا يكتمل ما لم تحب لأخيك ما تحب لنفسك......
أخوك هو الذي يسير في الشارع قبلك ليمهد لك الطريق......
الأخ هو الشخص الذي لا يسمح لدموعك أن تسقط والصديق هو من يمسح دموعك إذا رآها......
الأخ هو الشخص الذي يمكنك الاستناد عليه مهما كان ثقل همك......
في صعيد مصر وتحديدا في دوار كبير كفر السيوفى
فى المساء يجلس وسط تجمع العائله ... يستمع الى ما حدث مع حفيدته في مزرعته ... بعد ان أخبره رئيس الغفر عن اطلاقها الڼار على احد الرجال عند دخولهم المزرعه....
كان يجلس بهيبته الموقره وملامح وجهه المجعده.. التي يظهر عليها الوقار والهيبه وتقدم العمر.. . وفي يده عصا يتاكئ عليها. وبجواره زوجته الحاجه فردوس التي ترسل الى حفيدته نظرات تطمئنها
وفي مقابله ابنه جلال على يمينه زوجته كريمه التى ترتجف من القلق على ابنتها .. هى تعلم ان الحاج محمد لم يتهاون بالحكم على حفيدته ان أخطات .. وسوف تعاقب مثلها مثل باقي أهل الكفر... لانه يحكم بالعدل على القريب قبل الغريب
كانت تقف اختها صبا هي وابنت عمتها ورد بجوار بعضهما... يستمعون لما يحدث في قلق ... تنظر الى والديها برجاء تاره والى جدها باستعطاف تاره اخرى ...
كان جدها ينظر لها بكبرياء وفخر هو يعلم ان حفيدته لم تخطا ...
وهو من اطلق عليها لقب ست الرجال فانها كانت مثل الرجل في تصرفاتها ...
لا تهاب شيء ولا يعرف الخۏف عنوان لها...
هتف بثقه ممكن اعرف يا بشمهندسه صفا ايه اللي حصل اليوم في المزرعه القبيله! 
كان يحدثها كمن تحاكم في مجلس عرفي....
ردت عليه بأحترام وهى تقف امامه بكل ثقه وهتفت قائله 
اللي حصل يا كبير نجع السيوفي
انا كنت في المزرعه القبليه اللي بيمتلكها عيلتي أباشر عملى... حتى اقتحم رجل يظهر علي وجهه الاجرام ومعه بعض رجاله لا اعلم من هم...
وتتطاول معي في الحديث وتكلم بطريقه لا يصح ان يتحدث بها ...
الا مع اهل بيته وعندما سألته من هو... أجابني بكبرياء عن اسمه خلف السيوفى 
وطبعا من اسمه عرفت مين هو وجايب الوقاحه اللي بيتكلم بيها معايا منين...
وكان ردي عليه عندما تجاوزه معي في الكلام اللى كان لمده دقائق ... أنى اطلقت عليه الڼار في قدمه..
كان يسمعها الجميع في توجس وخوف من قرار جدها.
أشاره لها جدها ان تقترب منه وهو يبتسم بحب ..
اقتربت منه وهي تنظر له بثقه هي تفهم جدها من نظراته وهتفت تحت امرك يا جدى...
اشاره لها ان تجلس على قدمه وهو يضمها ويقبلها من راسها وهتف بسعاده وفخر..
برافو عليكى يا قلب جدك .. المره الجايه ابقي ادفنى اللي يتجاوز معاكى تحت رجليكى... ازداد من ضمھا يربت على ظهرها بحنان سعيد فخور يهتف قائلا لها شرفتينى ورافعتى راسى للسما... حفيدتى وسط الرجال زيهم وسط الستات ستهم.. ربنا يحميكي يابنتى...
هتفت صفا بسعاده انت حتة سكره يا جدو لو اتجوز واحد زيك في وقارك وعقلك وجمالك كده كنت ابقى اسعد واحده في الدنيا...
ردت عليها كريمه باندفاع انا مش هجوزكم انتم هتفضلوا هنا معايا...
كفايه خطوبه اختك اللى باظت... وفي الاخر تيجي واحده ما تسواش.... تطاول عليها فى عيادتها... وبسببها قاعدت من شغلها.
استقامه جلال انتى يتحدث بعصبيه قائلا انتى بتقولي ايه وازاي انا ما اعرفش حاجه زي دي... ومين البنت اللى بتتكلمي عليها دي... 
واشاره بأصبعه علي نفسه مش انا سالتك ليه صبا بقلها يومين مش بتروح المستشفى... قلتى انها تعبانه و عندها ظروف تمنعها وبترتاح ليه بتخبي عليا
اقتربت منه كريمه و امسكت يده انا اسفه مكانش قصدي اخبي عنك حاجه...