ابن ليل اميره اسامه

تاهت في دوامه تفكيرها كانت حاسه انها حقيقي في دوامه وپتغرق شويه تفكر في اللي بناتها قالوه وخوفهم من مواجهه عيلتها ليها ورد فعلهم لما ما يشوفها بعد كل السنين دي وشويه تفكر لو فعلا رد فعل اهلها كان قاسې ومتقبلوش وجودها هتعمل ايه وتروح فين ببناتها وشويه تفكر في كلام دعاء عن علاقه الناس بأهلها بعد سفرها وعن كرم اللي حالف ېموتها بأيده لو لمحها مكانتش عارفه تعمل ايه الحمل زاد يمكن هي مش خاېفه من كرم وعارفه ان اي كلام كان بيقوله مجرد كلام خارج منه وقت عصبيه مكانتش حامله همه ولا في دماغها كل اللي كان شاغلها وبتتمنى انه يعدي على خير هو لقائها بأهلها ومسامحتهم ليها ولو ده حصل لا هتقلق من كرم ولا من اي حد كفايه انها تطمن بوجودها معاهم وحمايتهم ليها هي وبناتها وفي وسط ما هي ڠرقانه في تفكيرها وهي بتبص لبناتها النايمين خانتها دمعه سريعه وڠصب عنها خدها عقلها في تكملة رحله الۏجع

فلاش باااااااك 
بعد ما راحت دره وراء يوسف واتفاجئت انه راح لدينا وسمعت كل حاجه بينهم انسحبت بهدوء بعد ما يوسف خد دينا وطلعوا على الاوضه وبعد ما خلصت كلامها مع چاك دورت عربيتها ورجعت على البيت وهي بتفكر ازاي هتواجه يوسف ودينا بخيانتهم ليها ازاي هتقدر ترجع حقها اللي يوسف ودينا خدوه منها ركنت دره عربيتها قدام البيت وفضلت قاعده في العربيه دموعها نازله مش قادره تستوعب اللي حصل وفضلت تفكر طيب يوسف عرف اني عرفت بموضوع الفلوس وبقى امر واقع تعرفه انها عرفت عن الشركه كمان وعن جوازه من دينا ولا تسكت وتستنى يوسف هيعمل ايه يا ترى هيواجها بالمستثمر الوهمي اللي قال عليه ويكشف عن هويه دينا ولا هيفضل يتهرب منها ويقول في حجج انه لسه مسافر ولا مش هيعرفها خالص كانت حاسه انها تايهه في الاوقات الصعبه دي كانت بتلجأ ديما لدينا لانها ملهاش غيرها طيب الوقت تروح لمين تخرج كل اللي جواها لمين فضلت تلوم في نفسها ازاي طول السنين اللي فاتت محستش في يوم ان يوسف ودينا في بينهم علاقه انتهت بجواز ازاي قدرت ټخدعها و تبص في عينها وهي متجوزه جوزها ازاي قدرت تثق فيها وتدخلها في حياتها مسحت دره دموعها وقررت انها تنفذ خطه توقعهم ولانها كانت ضايعه وحاسه ان في بركان جواها على وشك الانفجار معرفتش تفكر وتلعبها صح وقررت انها تعزم دينا وتواجهم مكانتش قادره تستنى تشوف چاك هيتصرف ازاي وهيرجعلها حقها ازاي في يوم واحد عرفت انها خسړت فلوسها كلها ونصيبها في الشركه بالتوكيل ومكانتش لسه تعرف ان حتى البيت اللي هي عايشه فيه هي وبناتها اتاخد منها كمان وكأنهم بيقفلوها في وشها من كل الطرق عشان ميبقاش عندها غير حل واحد وهو الانفصال وفي الحاله دي مش هيبقالها اي حاجه في البلد تقعد عشانها وهترجع على مصر تفكير شيطاني البطل فيها هي دينا اللي قدرت تسيطر على عقل يوسف بسهوله عشان تبعد دره خالص من طريقها 
في صباح يوم جديد اتصلت دره على دينا عشان تنفذ خطتها 
دينا ايوه يا روحي
دره بنبره مجبره على الابتسامه عامله ايه يا دينا
دينا بخير الحمد لله
دره انتي في
الشغل
دينا ايوه وانتي
دره لا انا منزلتش انهارده يوسف اللي راح
دينا ليه يا قلبي انتي تعبانه ولا ايه
دره لا خالص بس تقدري تقولي اني قولت ليوسف كده عشان مروحش
دينا مش فاهمه طيب ليه عملتي كده
دره بكره عيد ميلاد يوسف فا قولت اقعد وافكر في طريقه حلوه نحتفل بيها مع بعض و أفاجئه عشان كده بكلمك
دينا بإبتسامه اه يعني زي كل سنه عيزاني افكر واقولك على فكره حلوه تحتفلي بيها
دره بإبتسامه لا المرادي انا اللي فكرت يا دينا ومجهزه مفجأه حلوه بس عيزاكي تكوني معانا بكره
دينا لا ياستي مش عايزه اكون عزول
دره بإبتسامه حزن انتي عمرك ما كنتي عزول يا دينا انتي عارفه اني طول عمري بعتبرك اختي وسندي في الغربه ولا ايه
بلعت دينا ريقها بصعوبه وبعدين ابتسمت
دينا اكيد طبعا يا روحي طيب قوليلي ايه المطلوب مني
دره ولا حاجه انا بكره هعمل عشاء وفكرت بعد العشاء نحتفل بيوسف مع بعض يعني كا عيله وبما انك اقرب حد لينا هنا فا هنحتفل مع بعض المرادي عيد ميلاده مش هيبقى بره ولا هيبقى في ناس غيرنا هنبقى احنا بس وفي البيت تمام
دينا تمام موافقه اكيد وهبقى عندك بكره في المعاد اللي هتحدديه ولو محتاجه مني اي مساعده انا موجوده
دره عارفه يا دينا بس متقلقيش انا تقريبا مجهزه كل حاجه المهم اوعي تخلي يوسف يحس او يعرف عشان المفجأه
دينا اكيد طبعا متقلقيش
دره طيب انا مش هعطلك عن شغلك وانا كمان هروح اكمل تحضيرات بكره فرصه وهو يوسف مش موجود
دينا ماشي يا روحي يلا هشوفك بكره
دره مستنياكي يا دينا
قفلت دينا مع دره واتصلت بيوسف
يوسف حبيبي وحشتيني
دينا انت اكتر
يوسف ومالك بتقوليها كده ليه
دينا دره
يوسف مالها
دينا لسه قافله معايا بتعزمني على عيد ميلادك بكره عملالك مفجأه
يوسف طيب وفيها ايه ماهي كل سنه بتحتفل بعيد ميلادي وانتي بتساعديها
دره المرادي مش طالبه مساعده قالت انها محضره كل حاجه وهتبقى حفله عائليه يعني بينا وبين بعض في الڤيلا عندكم
يوسف طيب كويس انا اصلا مش فاضي لأي حفلات بره اليومين دول خالص انتي عارفه اننا مشغولين بس انا بردو مش فاهم فين المشكله
دينا انت اكيد بتهرج انت مش شايف انها غريبه شويه
يوسف غريبه انها تحتفل بعيد ميلادي
دينا صراحه اه انا لو مكانها بعد ما عرفت ان جوزي خد كل فلوسي من غير ما اعرف اكيد مش هيبقى ليا مزاج افكر في عيد ميلاد صراحه يا يوسف انا حاسه ان في حاجه غريبه حتى نبرة صوتها مش مريحاني
يوسف بإبتسامه لا ياروحي انتي بس اللي مكبره الموضوع مش يمكن مثلا بتحايلني و حابه تكون قدامي هاديه عشان تضمن حقها
دينا مش عارفه بس انا بقولك اهو انا مش مرتاحه لصوتها
يوسف قولتلك اطمني دره مفيش حاجه في ايدها كمان متعرفش اي حاجه لسه عن موضوع الشركه والڤيلا يعني كل حاجه تمام بلاش انتي تقلقي نفسك
دينا تمام يا يوسف اللي انت شايفه المهم اوعى تغلط بلسانك قدامها عن المفجأه اللي هي محضرهالك
يوسف ولا كأني سمعت يا قلبي وهتفاجئ كمان
دينا يارب بس منتفاجئش كلنا هسيبك تشوف شغلك وبكره هشوفك
يوسف تمام يا روحي سلام
دينا سلام
في صباح يوم جديد دره كانت بتحاول تكون هاديه قدام بناتها وبتحاول تسيطر على انفعالاتها قدام يوسف
الوقت كان بيمر حضرت دره العشاء وجهزت التورته وزينت الڤيلا بالورد والشموع البنات كانوا مبسوطين ومحدش فيهم عارف اي حاجه
وصلت دينا قبل يوسف بشويه دخلت سلمت على البنات واستقبلتها دره بإبتسامه بسيطه دينا كانت حاسه ان دره فيها حاجه غريبه لكن محبتش تسألها وصل يوسف بعد وقت بسيط البنات جريوا عليه حضنوا و قالوله كل سنه وانت طيب
دينا كل سنه وانت طيب يا يوسف عقبال 100 سنه
يوسف وانتي طيبه يا دينا بص لدره اللي كانت واقفه ساكته ومكتفيه بإبتسامه بسيطه
دره كل سنه وانت طيب
قرب منها يوسف وباس جبهتها وانتي طيبه
يا قلبي
غمضت دره عينها بقوه وهي حاسه ان لمسته ليها زي الڼار 
يوسف ايه كل ده تعبتي نفسك ليه يا روحي
دره مفيش تعب المهم تكون المفجأه عجبتك
يوسف اكيد عجبتني كفايه انها منك
دره بإبتسامه بسيطه طيب يلا عشان العشاء
يوسف يلا يا حبيبي
راحوا كلهم على السفره قعدوا وبدأوا ياكلوا في هدوء 
دينا تسلم ايدك يا دره الاكل يجنن
دره بالف هنا
يوسف دره اكلها كله يجنن بس بجد تعبتي نفسك
دره تعبك راحه يا يوسف المهم المفجأه تعجبك
يوسف هي لسه هتعجبني ماهي عجبتني خلاص
دره هي ايه اللي عجبتك
يوسف المفجأه الاكل والتحضيرات الشموع والورد وبعدين شاور على التورته
حتى الكيك شكله يجنن
دره بضحكه سخريه لا هو انت فاكر اني اقصد المفجأه دي
بصلها يوسف بإستغراب امال تقصدي ايه هو في مفجأه تانيه
دره طبعا
دانه اكيد مامي تقصد الهديه
أبتسم يوسف هي لسه فيها هديه كفايه اوي كل اللي هي عملته
دره لا لما تعرف هديتي ليك هتتبسط اكتر
دينا شوقتينا يا دره للهديه
دره متستعجليش يا دينا نخلص عشاء الاول يلا كلوا عشان الاكل ميبردش
ابتسمت دينا ابتسامه صفراء وهزت راسها لدره وبعدين بصت ليوسف بإستغراب
بصلها يوسف وبعدين بص لدره وابتسم وكمل اكل 
و مقدروش يعرفوا يا ترى ايه هي هديه دره لكن كان يوسف بدأ يحس ان دره مش على طبيعتها وان دينا معاها حق
وللحديث بقيه 
أبن ليل
صاحبة البطل الواحد
أميره اسامه
البارت الخامس 
بعد ما خلصوا أكل قاموا من على السفره وراحوا على الصالون البنات جابوا التورته عشان يحتفلوا بيوسف
وقفوا جنبوا بعد ما طفوا الانوار وبدأوا يحتفلوا على ضوء الشموع دره كانت بصاله و باصه لدينا بوج ع وضربات قلبها بتزيد وڠضبها بيزيد اكتر
خلصوا احتفال وقبل ما يطفي الشمع 
طلبت منه دينا يتمنى امنيه 
دينا استنى يا يوسف اتمنى امنيه الاول 
دره لااااااااا
بصولها كلهم بإستفهام
ابتسمت دره بهدوء رغم الحزن اللي مالي عينها 
دارين لا ليه يا مامي مش المفروض يتمنى امنيه قبل ما يطفي الشمع 
دره اكيد بس خلينا المرادي نعمل حاجه مختلفه حاجه تكون مميزه اكتر
دينا زي ايه يا دره
دره يعني اني مثلا اقول انا ايه هي الامنيه اللي يوسف بيتمناها
يوسف بإبتسامه حلو ده يلا وريني هتعرفي اللي بفكر فيه ولا لا 
دره اطمن يا يوسف عارفه اللي بتفكر فيه كويس
ديما بحماس وسعاده طيب يلا يا مامي قولي ايه هي امنيه بابي
ابتسمت دره وبصتلهم ثواني وهي ساكته وبعدين بصت ليوسف 
دره اقول يا يوسف عن امنيتك 
يوسف طبعا يا روحي قولي ولو صح اوعدك اني هقول صح
دره يعني اول امنيه من امنياتك انك تخلص مني انا والبنات مثلا
بص يوسف لدينا وبدأو يتوتروا
البنات بصوا لبعض بإستغراب 
دارين مامي حضرتك بتقولي ايه
يوسف بإرتباك اا اخلص منكم
دره اه يا يوسف مش دي الحقيقه
دانه مامي انتي كويسه
يوسف دره في ايه انا مش فاهم حاجه
دينا طيب انا هستأذن انا واسيبكم براحتكم
دره لا خليكي يا دينا انتي مش غريبه 
وبعدين انتي جزء من امنيه يوسف او خلينا نقول ان الامنيه دي مشتركه بينكم
يوسف اطلعوا يا بنات على اوضكم
دره ليه خليهم يعرفوا بباهم بيتمنى ايه تقولهم انت يا يوسف ولا اقولهم انا ولا بلاش ايه رأيك نسكت احنا الاتنين ونسمع من دينا
يوسف دره تعالي معايا
دره لا يا يوسف انا مش هتحرك من مكاني غير لما اقول كل اللي عندي او تقوله انت
يوسف بنبره ڠضب بسيطه اقول ايييه انا مش فاهم انتي عايزه توصلي لايه بالظبط
دره كل اللي عايزه اوصله هو سؤال واحد بس ليه يا يوسف ليه تعمل فيا انا كده ده انا حبيتك اكتر من نفسي
بصلها يوسف وسكت مش عارف هي تقصد ايه معقول كل ده عشان الفلوس
دينا دره انا همشي و هسيبكم تتكلموا براحتكم وهبقى اكلمك
دره خليكي يا دينا انا لسه مخلصتش كلامي 
يوسف مش لما تبقي تتكلمي كلام مفهوم الاول يا دره
دره تحب ابدأ منين يا يوسف ابدأ من الفلوس بتاعتي اللي سحبتها من البنك وضيفتها لحسابك بالتوكيل اللي معاك ولا تحب أبدأ من نصيبي