ابن ليل اميره اسامه

قدرتوا تنسوني كل حاجه شوفناها معاه شوفت معاكم حب واحتواء وحنيه في ثلاث شهور ضعف اللي كان هو بيمثلهم علينا مكانش لازم يجي يا مامي ولا كان لازم تيجي علي نفسك حتي لو انا عايزه ده الراجل ده دمرك واوعي تصدقيه ده بيكدب هو مش متورط زي ما بيقول
دره بدموع تعرفي ايه يا دارين انا منعرفهوش مخبيه ايه وليه قولتليه ان انتي بالذات مش هتصدقيه 

بصتلها دارين بتوتر وبصتلهم كلهم
كرم خلاص يا دره مش وقته سبيها ترتاح انتي مش شيفاها ماسكه الچرح ازاي يلا اخرجوا وخليني ابص علي الچرح 
دره قولي يادارين مش هنخرج من هنا غير لما نعرف
دخلت سونه عليهم بعد ما سابت يوسف وهزت راسها لبكر
دره انطقي يا دارين تعرفي ايه انا منعرفهوش
دارين بۏجع بصت لدره بابي كان علي علاقه بدينا من قبل الثلاث سنين اللي اتجوزها فيهم
بصتلها دره پصدمه 
دارين و مكانتش علاقه عاديه يا مامي انا شوفتهم
دره بۏجع شوفتي ايه 
دارين قبل سنتين كان يوم عيد ميلاد دانه وديما بابي صحي قال رايح الشغل وحضرتك قولتي رايحه المستشفي ودانه وديما كانوا في مدرستهم بابي خرج ويومها انا قولتلك اني مش هروح عشان عندي امتحان ولازم اذاكر بس هو مكانش يعرف اني مش رايحه لانه خرج قبل ما نصحي
قولتيلي يومها انك هتحاولي ترجعي بدري عشان تزيني البيت قبل ما يرجعوا ونفاجئهم قولتلك تمام وانا هساعدك 
بعد ما حضرتك خرجتي بحوالي نص ساعه سمعت وانا فوق موبايل بابي بيرن في الاوضه
روحت عشان اشوفه كنت فاكره انه نسيه بس طلع الموبايل التاني لسه هخرج من الاوضه سمعت صوت الباب بيتقفل وسمعت صوت طنط دينا بتضحك وبابي كان معاها وبيقولها يلا تعالي بسرعه قبل ما يرجعوا ولمحتهم طالعين علي فوق انا مكنتش فاهمه وكل اللي جه في بالي وقتها انهم رجعوا يزينوا البيت قبل دانه وديما ما يرجعوا وفكرت انك قولتليهم اني موجوده وهساعدهم وقتها جريت تاني علي اوضتكم قولت بابي اكيد هيدخل الاوضه فا استخبيت وراء الستاره عشان اخوفه زي ما بنعمل كل مره انا واخواتي فيكي وفيه بس ملحقتش ولا هما كانوا جايين يزينوا البيت
كرم بۏجع كفايه يا دارين 
دره بۏجع كملي
دارين هما جم البيت عشان يستغلوا عدم وجودنا اول ما دخلوا من باب الاوضه وشوفتهم 
في الاول كنت لسه مش مستوعبه بس ثواني وقبل ما اخرج من وراء الستاره لقيت بابي بيقرب منها وهي بتقرب منه بطريقه مقرفه 
وفي لحظه كنت سمعاهم وشيفاهم و كاتكه نفسي عشان ميحسوش بيا كنت بتخنق وكنت حاسه اني مش قادره اقف رجلي مكانتش شيلاني 
طول ما دارين بتحكي كانت دره شايفه قدام عينها الحلم اللي شافته روحها اتجسدت مكان بنتها يوم الکابوس بس مكانتش تعرف ان اللي بتشوفه ده حصل في الحقيقه وبنتها عاشته بجد 
دارين بۏجع بعد ما خلصوا بابي قالها روحي خدي شاور وانا هنزل تحت شويه اشرب سېجاره لحد ما تخلصي ما صدقت هي دخلت وهو خرج مش عارفه ازاي انا روحت علي اوضتي نمت علي السرير واتغطيت ويومها لو تفتكري انا تعبت و سخنت وفضلت يومين في المستشفي ومكنتش قادره ابص في وشهم فتره
بس سكت مكنتش عارفه اقولك ولا حتي اقوله وبعدها بحوالي شهر شوفت بابي قاعد في مكان هو وهي وكان بيأكلها بايده بس مقدرتش اخبي نفسي لانه شافني فضلت بصاله وبصالها وانا مش قادره انطق يومها بابي مشاها وقعد معايا وفضل يتأسف ويعتذر ويقولي دي اول مره ودي غلطه ومتقوليش لمامي مقدرتش اسكت وعرفته اني شوفتهم يوم عيد ميلاد ديما ودانه في اوضتك وعلي سريرك اټصدم ومكانش عارف يقول ايه فضل يعتذر ويقولي اخر مره ومتقوليش لمامي عشان هتسيبنا انا خۏفت يحصل بينكم مشكله وقولتله اني مش هقولك بس يبعد عنها قالي انه مش هينفع عشان انتي متحسيش قولتله يبقي طول ما هي قدام مامي خليكم عادي بس بره متكلمهاش تاني ووعدني مصدقتهوش بس كنت مضطره امشي وراه لحد ما يثبتلي عكس ده ويرجع ثقتي فيه تاني وهما بعدوا او يمكن كنت فكراهم بعدوا بس هما كانوا واخدين حذرهم مش اكتر لحد اللي حصل 
انا بكرهوا بكرهوا اوي ومش عايزه اشوفه لو بتحبيني بجد
دانه مامي فيكي ايه
كرم ساب دارين ومسك دره بسرعه سحب كرسي وقعدها عليه 
نبيله مايه يا دعاء بسرعه يا بنتي
دره بصت لكرم وهي دموعها نازله يوم ما خرجت البلكونه وانت شوفتني انا شوفت يوسف ودينا شوفتهم مع بعض زي ما دارين وصفت كان كابوس كابوس احساسه صعب ويخنق اللي دارين حست بيه انا شوفته كنت فاكره انه مجرد كابوس عشان لسه تأثير اللي حصل في عقلي بس مكنتش اعرف ان بنتي عاشت ۏجع وخنقه الکابوس ده بس في الحقيقه 
كرم مسك أيدها بحب وۏجع واللي خلقني وخلقك يا دره منبقاش كرم الرفاعي لو مجبتلك حقك انتي وبناتك منه لو اخر نفس ليا مش هرتاح غير وانا شايفك رداله الۏجع اللي انتي حاسه بيه 
دعاء خدي يا دره خدي اشربي
زكريا بحزن انا اللي اسف انا السبب في كل اللي حصل ده نكدت عليكم وقلبت في اللي فات بس مكنتش نقصد كان كل اللي نقصده ان دارين تفرح 
دارين محصلش حاجه يا جدو واكيد مش زعلانه منك انا بس
مش هكدب عليك بعد الحاډثه طول الوقت كنت شيفاه قدامي شايفه ان هو السبب في اي حاجه وحشه بتحصلنا شايفه ۏجع مامي وهي مش عارفه تعملنا اي حاجه شيفاها مبتقعدش لحظه ومل همها تطمن علينا اتوجعت يا جدو ليه عمل فينا كده ليه دمر حياتنا بس والله ما وحشني ولا كنت عايزه اشوفه ولو اعرف انكم بتفكروا في ده كنت قولتلكم اني كويسه ومش فيا اي حاجه خلاص 
رفاعي بنقول ايه بقي وحدوا الله وصلوا علي اللي هيشفع فيكم 
الجميع لا اله الا الله الله مصلي وسلم علي سيدنا محمد 
رفاعي بصي يا دره يا
بنتي وبصوا يابنات من يوم ما وصلتوا هنا وانتوا مننا واللي يمسكم يمسنا ولا يمكن نسمح لاي حد يجي عليكم حتي لو بكلمه زمان احنا كنا اقرب من الاهل لبعض بس زي ما الكل عرف كانت قلة عقل منتا احنا الكبار بس كمان الغلاوه والحب زي ما هما عمرهم ما تهزوا واكيد انتوا فاهمين ده احنا مش عيله ولا في بينا وبين بعض نسب احنا اكتر من ده بكتير وانتوا يابنات ولاد دره يعني بنتي وانتوا احفادي زي محمد واحمد لا يمكن نسمح لحاجه توجعكم او تيجي عليكم كل اللي طالبه منكم ترحموا روحكم شويه وترحموا امكم اللي حصل خلاص حصل اعتبروا الشخص ده كان محطه في حياتكم واوعوا تفكروا تقفوا عندها انا يصعب عليا اقولكم كده بس لازم تعرفوا ان زي ما في عقوق ابناء في عقوق آباء يعني ابوكم اللي هيتحاسب عليكم مش انتوا اللي هتتحاسبوا عليه اللي عملتوا فيه هو يستاهل اكتر منه مش بنقسيكم عليه لا سمح الله بس لازم تعرفوا يا بنات ان الراجل اللي ربنا يرزقه ببنات زيكم جمال وتعليم واخلاق وادب ويفكر بس يقسي عليهم يبقي ميستاهلهمش وانتوا متستاهلهوش وعايز نقول حاجه كمان انا اتفاجئت برد فعلكم مش هنكدب عليكم علي قد ما كنت عايز دارين حالتها تتحسن وقولت يمكن ابوها يجي يخليها تفرح علي قد ما كنت بنتمني ان ده ميحصلش عشان كنت عارف ان مهما دره هتتبسط انك بخير مانت هتتوجع وتخبي في قلبها ما هو بردوا الام اللي تشقي وتتعب وتخاف علي ضناها من الهواء الطاير وتمر بكل اللي امكم مرت بيه ويجي بناتها يلاقوا راحتهم مع ابوهم بعد كل ده ومش معاها هي دي قهره كبيره لللأم وانا مكنتش عايز دره تتقهر
دانه واحنا مستحيل نوجع مامي حتي لو روحنا في ايده هو خرج من حياتنا خلاص ولا يمكن يرجع تاني ولا يمكن نسمحله يوجع مامي مره تانيه و هنفضل في ضهرها 
رفاعي بنت امك يا بت وعرق الجمال مش خساره فيكم 
نجوي تسلم البطن اللي شالت
باسها عبدالله من راسها وبصلها بحب
عبدالله جدعه يابت انتي واخواتك بالف راجل حبايب خالكم
رفاعي من اللحظه دي تنسوا الحزن والۏجع تقفلوا الصفحه مش عايز اشوف حد فيكم بيعيط تاني كفاينا ۏجع خلونا نفرح بقي شويه وخلونا نخرج من هنا بالسلامه ونحتفل بخروجكم عايزين ايه اكتر من اننا كلنا جنبكم ربنا خد منكم ابوكم وعوضكم باهل وجيران واصحاب عوضكم بحب بجد اوقات بيحصل حجات غي حياتنا توجعنا بس ربنا عشان رحيم بينا بيطبطب علينا بسرعه وبيعوضنا 
دارين بدموع وهو فعلا عوضنا بيكم كلكم وبجد انا بحبكم اوي ويمكن اول ما جيت مصر كنت بحاول مضايقش مامي واحسسها اني مبسوطه رغم اني مكنتش مبسوطه بس حاليا وجودي معاكم هنا احسن حاجه حصلتلي في حياتي 
دانه وانا كمان كنت ديما مضايقه ومعترضه وعايزه ارجع المكان اللي اتولدت وعيشت فيه بس الوقت لو الدنيا كلها قالتلي روحي وارجعي لحياتك مش هختار غير حياتي معاكم ومع مامي 
بص كرم لدره بإبتسامه تأثر 
كرم افرحي يا دره اسمعي بناتك بتقول ايه لازم تفرحي وتبقي فخوره بيهم
نبيله عرفتي تربي يا بنت قلبي
ابتسمت دره من بين دموعها
دره بصت لبناتها ربنا يخليكم ليا و يقدرني أسعدكم و اعوضكم و اشوفكم زي ما بتمني 
سونه هتشوفيهم و هتفرحي بيهم إن شاء الله
رفاعي يلا بقي امسحوا دموعكم ومش عايز اي حاجه تضايقكم من هنا وجاي
مها احنا جنبك يا بت ومش هنسيبك
دره عارفه يا مها وده اللي مطمني ربنا ما يحرمني من وجودكم ابدا
بكر بابتسامه انتوا عارفين بقي
اهم حاجه في اللي حصل ده كله ايه 
مها ايه
بكر بضحك ان هيما قام واتحرك بعد ما كان خاېف يدوس علي رجله 
ابتسمت دره من بين دموعها
دره ايه ده اه صحيح كان لازم يعني يحصل كل ده يا سي هيما عشان تقوم 
ابتسم هيما وبص لدارين
هيما لا والله يا دره بس لما سمعت صوت دارين وصوتكم مقدرتش نقعد 
بصله كرم وابتسم وغمزله
ضحك هيما وبعدين بص لدارين بحب لقاها مبتسمه بإحراج 
كرم طيب بنقول ايه بقي يلا تعالوا نسيب البنات والشباب مع بعض يفكوا كده عن نفسهم شويه ويحاولوا يخرجوا بعض من المود ده وانتوا روحوا يلا علي الاوضه التانيه واه صحيح حسن واحمد ودانه وديما يقدروا يخرجوا هما زي الفل ويومين وهيما ودارين وسماح واحمد يلحقوهم بس الاول نطمن علي عملياتهم هما عادي ممكن يخرجوا بردوا لان حالتهم مستقره بس انا حابب انهم يفضلوا تحت عيني كده هنقدر نهتم بيهم اكتر 
دانه يعني احنا ممكن نخرج 
كرم اه عادي لو حابين
دره لا لا يا كرم خليهم شويه علي الاقل يخرجوا مع بعض كلهم
كرم هادي زي ما تحبوا انا عارف ان قعدة المستشفي مش حلوه فا قولت