ابن ليل اميره اسامه
ابن ليل اميره اسامه
المحتويات
شغلنا انتي عارفه يمكن انا دكتوره من سنين بس دي اول مره نتعب بالشكل ده في امريكا الوضع غير هنا حتي لما بتحصل حوادث مبتبقاش بالشكل ده اخرهم عربيتين خبطوا في بعض عربيه خبطت في عمود نور ولا رصيف لكن ترام وزفه وناس في الشارع وعربيات مستحيل
بكر احنا هنا عندنا الدنيا للاسف بايظه في قوانين كتير محتاجه تتعدل ولازم يكون في عقوبه للتهور ويقللوا موضوع الزفه والموتسيكلات
دره حقيقي هنا في إهمال فظيع بجد انا عيشت اصعب يوم في حياتي المهنيه اليوم ده حسيت للحظه اني نسيت كل حاجه مكنتش عارفه نجري وراء مين ونلحق مين بس الحمد لله عدت علي خير
نجوي ربنا ما يعود الايام دي تاني ابدا
دره يارب هروح ابص علي البنات
نجوي روحي يا بنتي
بصت دره لبكر وهي خارجه وهزت راسها بهدوء وهي بتبتسم بمعني حصل واتكلم
هز بكر راسه من غير ما حد يلاحظ
بعد ما خرجت اتصل يوسف علي حسن خد حسن الموبايل وقام خرج بره بهدوء
يوسف بنبره مش مريحه كان باين عليه ان فيه حاجه اهلا يا حسن
حسن اهلا بيك يا باشا أؤمرني محتاجني نجيلك
يوسف محتاجلك اه يا حسن بس مش الوقت
حسن الوقت اللي يعجبك انا خدامك
يوسف فاضي بكره يا حسن
حسن من طالعه النهار لحد الفجر هتلاقيني في اي وقت تحتاجه
يوسف طيب انا عايزك تجيلي بعد صلاة العصر بس انا عايزك
حسن بفرحه مصطنعه يا سلام وانا خدامك يا باشا وسداد لأي حاجه هتطلبها ومن غير ما نعرفها كمان
يوسف خليني الاول نقولك علي طلبي مش يمكن ترفض وزي ما قولتلك لو وافقت ونفذته زي ما هنطلب منك في وقتها هديلك مبلغ متحلمش بيه
يوسف خلاص وانا هستناك يلا سلام انت الوقت يا ابو علي
حسن سلام يا باشا مع الف سلام
فضل حسن واقف بره اتصل علي بكر يطلعله اول ما بكر شاف رنته كنسل وخرجله بهدوء موبايله كان صامت ومحدش حس بيه
رن علي دره كمان ردت عليه
حسن دره اخرجيلنا شويه
دره تمام حالا
بصت دره لنبيله هنرجعلكم تاني
نبيله في حاجه ولا ايه
دره لا ده محتاجين تقرير مريض هيخرج الوقت
نبيله طيب روحي يا بنتي
دره شويه وجيالكم
خرجت دره لقت بكر وحسن
دره اسبقوني علي تحت وانا جيالكم
قربت منهم سونه هي ومريم كانوا مع ياسين
سونه ايه خير واقفين كده ليه في حاجه حصلت من يوسف ده
دره روحي معاهم وانا جايه وراكم
سونه تمام مريم روحي جوه علي الاوضه مع البنات وانا شويه وهجيلك
مريم حاضر يا سونه
سبقتهم دره علي تحت وهما نزلوا مع بعض وراحوا علي مكتب دره
دره ايه خير يا حسن
حسن يوسف كلمني وطلب انه يشوفني بكره وقالي موضوع ملهوش علاقه بالتوصيل وقالي انه محتاجني
في شغل تاني ولو وافقت ونفذته هيديني مبلغ محلمش بيه
بصت دره لبكر وضحكت
بكر يا ابن الكاااااالب طلعتي فاهمه دماغه بصحيح
دره عيب عليك مش قولتلك بعد مكالمتي هيكلم حسن او سونه
سونه هو مكلمنيش علي فكره انا عيني علي الموبايل من الصبح بس متصلش
دره عارفه بس هيتصل بيكي بس بعد مقابلته مع حسن هو غالبا هيطلب من حسن يساعدوا في حجات هو مش هيقدر يعملها او مش هيعرف يعملها هنا في مصر من غير مساعده بس هيكلمك انتي عشان انتي اللي هتقدري توصليه بيا
سونه لا انا مش فاهمه حاجه
حسن ولا انا وبعدين مكالمه ايه اللي كلمهالك هو كلمك
دره اه كلمني هفهمكم بدأت دره تحكيلهم في السريع اللي حصل كلامها مع بكر ومكالمة يوسف ليها
حسن اه بس انا مش عارف هو ممكن يطلب مني ايه انا دماغي بتروح في حتت مش حلوه وبدأت اقلق من طلباته يعني مثلا تفتكري يطلب مني اخطفك او اخطڤ حد من البنات
دره بإبتسامه والله مش بعيد بس انا هطلب منك حاجه عشان الخطه تمشي زي ما انا مخططه لازم تعمل اللي هنقوله بالحرف انت هتروحله وهتسمع طلباته في الاول هتعمل نفسك خاېف او متوتر من اللي هيطلبه خليك قدامه هادي بس في نفس الوقت توصله إحساس انك قلقان من طلبه وبعدها هيقنعك و هيحاول يغريك بالفلوس وانت وقتها هتوافق وهتحسسه انك اقتنعت ومش بس كده هتحسسه ان الفلوس طمعتك لما هيحس انك طمعت هيديك الامان اكتر وهيبقي عنده ثقه فيك وهيتأكد انك عشان الفلوس هتنفذ كل طلباته وهيعرف ان اختياره ليك كان صح و طبعا هو اكيد هيطلب منك طلب يفاجئك فا انا عيزاك ايا كان اللي هتسمعه منه تكون هادي لا يبان عليك ڠضب منه ولا خوف مش عيزاه يحس انك تبعنا يوسف ذكي يا حسن وممكن يقفشك بسهوله اديله الامان ومثل عليه كويس اوي
حسن في دي متقلقيش اطمني
دره وبما اننا منعرفس لحد الوقت هو ممكن يطلب منك ايه فا انت تقوله اديني يوم او يومين نظبط الدنيا ونرجعلك الكلام ده يمشي علي اي طلب يطلبه منك فاهم يا حسن عشان ترجعلنا ونعرف طلب منك ايه وعلي اساسه نكمل باقي خططتنا بطريقه مدروسه ونوقعه في شړ اعماله
حسن حلو ده فهمتك يعني اطول معاه لحد ما نرجعلكم بالمفيد
دره بالظببببط
سونه طيب وانا نعمل ايه نكلمه ونجس مايته
دره لا اوعي تعملي كده هو هيكلمك انتي متعمليش حاجه خالص و لو انا فاهمه دماغ يوسف زي ما انا فاكره بجد يبقي هو اللي هيكلمك بعد مقابلته لحسن واكيد هيطلب منك تساعديه
سونه طيب مش هنكلمه واديني مستنيه ابن الصرمه ده لما نشوف اخرتها ايه
بكر في حاجه مهمه كمان لازم تاخدوا بالكم منها عشان نكون ماشين صح لا انت يا حسن ولا انتي يا سونه تتصرفوا من غير ما ترجعولنا ونتكلموا سوا لازم نكون متفقين علي كل حرف عشان محدش فينا يغلط واحد يعمل حاجه من غير ما يقول والتاني يتفاجئ بيها وميعرفش يتصرف
حسن انا معاكم علي الخط متقلقوش كل حاجه هنبلغكم بيها
سونه وانا كمان ولو علي اتصالي بيه انا قولت وخدت رأي دره متصرفتش من روحي
بكر عارف بس زي ما قولت لازم نكون متفقين اتفقنا
سونه اتفقنا يا اخويا
دره بإبتسامه وبكده نقدر نقول ان بكره اول طريق نهايتك معايا يا يوسف
وللحديث بقيه
أبن ليل
صاحبة البطل الواحد
أميره اسامه
البارت الخامس والأربعون
في صباح يوم جديد كان في حاله من الهدوء علي البعض وحاله من الترقب والقلق علي البعض الاخر
في غرفه الشباب البنات كانوا معاهم
دانه طيب قولي دول كام
محمد بضحك تلاته
دانه طيب ودول
محمد يابنتي فيكي ايه حد قالك اني اتعميت ما انا كويس اهو
دانه قول بس ودول كام
محمد خمسه
دانه طيب وده كام
ضحكوا كلهم عليها
حسن بضحك وده كام وده عشره
دانه بضحك ايه الغباء ده صحيح
محمد عاجبك كده جبتي الكلام لروحك
مها بإبتسامه وهي بتتطبق شويه هدوم في شنطه مالك ومالها ياولا يارخم منك ليه
دانه عاجبك كده يا مها بيتريقوا عليا
مها وانتي سكتالهم ليه سمعيهم ربع
دانه بضحك لا لسه بدري عليا في الربع الاسكندراني
مها ولا يهمك نعلمك انا بس نخرجوا من هنا وليكي عليا اديكي اول درس
هيما ومها في الربع متتوصاش هتخرجي من تحت ايدها استاذه
دارين بهمس لهيما وانا كمان عايزه اتعلم
هيما بإبتسامه جميله لا بلاش انتي خليكي كده انا عايزك زي ما انتي
دارين بضحك طب ربع صغير حتي
هيما هنبقي نعلمهولك انا
دارين بضحك ماشي اتفقنا
احمد انتي بتعملي ايه يا مها علي الصبح الغسيل والتطبيق وحشك اوي كده
مها ياولا بنلم الحاجه الزياده اللي مش هتحتاجوها
عشان بليل ستك تاخدها وهي ماشيه وبكره نروحوا خفاف
احمد والله البيت وحشني اوي حاسس اني بقالي ياما في المستشفي
مها خلاص هانت كلها بكره وتخرجوا بالسلامه ويارب مترجعوا هنا تاني ابدا
الجميع يارب
دخل بكر بعد ما شرب سيجارته
بكر ايه خلصتوا فطار
محمد الحمد لله
مها خلصوا باقي أكلكم يلا وانتي يا بت يا سماح يلا كملي اكلك ده
سماح شبعت والله يا مها مش قادره
بكر شبعتي ايه اكلك لسه مخلصش ولا ناويه تقعدي سويه كمان هنا
سماح لا شويه كمان ايه ده انا هاين عليا نروح الوقت والله
بكر طب يلا كملي اكلك واشربي العصير كمل بضحك وبعدين احنا مش قد لسان امك دي سيباكي معانا امانه عيزاها تيجي تقول بتأكلوا عيالكم وسايبين بنتي
مها اه حاكم امك عليها ربع هي التانيه ميتخيرش عن الربع بتاعي
حسن بضحك متصالحه مع نفسك انتي يا مها
مها ايووووه طبعا
مر حوالي ساعه ونص وصلوا كلهم حسن كان بيحضر نفسه عشان يمشي ويروح يقابل يوسف
وكان بيحاول يلاقي حاجه يقولها قدامهم عشان يعرف يمشي
حسن بهدوء لبكر بنقولك يا خال انا لحد الوقت مش عارف نقولهم رايح فين
بكر قول اي حاجه هتروح لحد البيت هتنزل تجيب حاجه نقولك انت تخلع بهدوء من غير ما حد يحس ولما يسألوا عليك هنقواهم انك روحت تجيب ملازم المراجعات اللي نزلت من المكاتب اللي جنب الجامعه ليك وللشباب عشان تبدأوا مذاكره اللي فاتكم
حسن حلو ده اوي خلاص اتفقنا
بكر جهز روك يلا عشان تمشي وامسك المفاتيح خليها معاك في جيبك ومش هنعيد كلامي يا حسن تخلي بالك اوي انت هتروح تاخده من الفندق لو قعد في اي مكان جوه الفندق يتكلم معاك يبقي كويس اوي لو قلك نخرج بره ومقالكش المكان فين اوعي تروح لأي سبب انت فاهم
حسن في ايه يا خال هيخطفني يعني شايفني عيل صغير
بكر ياولا اسمع الكلام هو الخطڤ للصغيرين بس محدش فينا عارف الواطي ده بيفكر في ايه انا خاېف عليك يا ولا خاېف يكون قفش انك تبعنا ويعمل فيك حاجه او يهددنا بيك
حسن لا من الناحيه دي اطمن انا اقنعتوا بدور سواق الاوبر علي الاخر يوم ما كان هنا اصلا هو ملمحنيش غير علي باب المستشفي وانا بنقوله نوصلك وانا كمان اللي عرضت عليه لو محتاجني يكلمني فا متقلقش
بكر ماشي يا سيدي مش هنقلق بس بردوا اسمع كلامي خد حذرك منه ومتأمنش ليه لحد ما نعرف هو عايز ايه ونفهم باقي الخطه اللي في دماغ عمتك
حسن طيب تمام بنقولك ايه كرم مش حاسس بأي حاجه
بكر والله يا حسن منعرفش
حسن ايه اوعي تكون وقعت بلسانك قدامه وي شك فينا
بكر لا موقعتش طبعا من ناحيتي انا محسستوش باي حاجه بس محدش بردوا يعرف ايه اللي في دماغ كرم هو اصلا قلقان ومش علي بعضه من يوم ما عرف ان يوسف هنا وقلقان علي دره واكيد واخد حذره
حسن المهم انه ميعرفش اي حاجه لانه لو عرف مش هيسكت انت عارف كرم
بكر متقلقش خليها علي الله والمهم تعرفني كل تحركاتك اول بأول تبعتلي رسايل وانا مش هنكلمك وبنقولك ايه بعد ما تمشي علي طول هنقولهم احسن عشان لو حد فيهم حب يكلمك يكلمك قيل ما توصله وميفضلوش كل شويه يكلموك وانت معاه
حسن تمام بس بنقولك ايه انا ممكن منعرفش نروح نجيب ملازم هنعمل ايه في الحوار ده نقولهم منزلتش ولا ايه
بكر اه قولهم بكره او بعده وبعدين
متابعة القراءة
